係酒店附近搵到間食船粉
隔離舖頭有甜品店
行返酒店經過啲街邊檔，又買燒魚、炸物、湯粉返酒店再食
hea到夠鐘，落酒店大堂搵人安排篤篤車去地鐵站
會停係地鐵站旁個商場度，見到啲新鮮麵包又想食
我哋搭地鐵去MBK Center
姨甥已經幫我哋Book 咗去做Massage
因為三家姐要湊住o靚妹，所以得我同細妹去做，而姨甥仔自己就Book 咗去學煮泰菜
做完Massage 有芒果糯米飯食
之後就係商場行吓，買吓嘢，肚餓就搵地方食lunch，因為諗住嚟緊幾日應該都係食泰菜多，所以今次揀食西餐，而且見佢啲餐都幾平幾抵食
落樓下想睇有無生果賣，呢度唔係算平，所以無買
我哋約定姨甥係某一個商場等，我哋早到，就去麥記坐吓，買啲小食食住等
我又行出去週圍睇、週圍八
對面廣告隻花豹好型仔呀
等到姨甥就一齊行去Talad Neon 水門霓虹夜市，食流水蝦海鮮任食
我覺得貪得意玩吓，真係一次就夠，啲嘢燒完都唔好食，食到咁上下我就週圍行吓，都幾多嘢賣，又幾好行
最開心係見到有貓呀，我有請貓媽咪食零食，仲有活潑貓B
食完行完，行去等call 車，係街邊買到平生果，不過舊榴槤就未夠熟
個芒果糯飯係姨甥學煮泰菜其中一個嘅製成品
芒果糯米飯正呀！如果有機會去泰國，一日三餐我都想食呀！
回覆刪除我鍾意食芒果，啲芒果好鬼甜
刪除酒店附近有無得揼骨? 有咪可以一齊去囉
回覆刪除原先三家姐想按腳，但揹住個o靚妹都按唔到
刪除酒店附近有呀，第二次我哋有去，嗰間係香港人開的，所以特別好招呼，三家姐湊住個o靚妹都可以去按腳
流水蝦海鮮任食創意不錯！
回覆刪除呢個就係佢哋既賣點，可能我又唔係咁鍾意燒烤，尤其啲蔬菜燒完好乾，我都唔鍾意食
刪除行下食下又坐下，玩成日都唔覺得攰。
回覆刪除去得玩攰都要玩
刪除由朝玩到晚，真開心👍
回覆刪除個個去泰國最鍾意就係spa，但我就至怕，所有按摩都唔啱我😝
去得外邊旅行，當然係由早到晚，感覺唔好嘥咗啲時間
刪除去按摩咁舒服，妳竟然唔啱，咁妳咪由朝食到黑囉