食完我又自己去行荃灣買嘢，食咗$3 一碗豆腐花
行完call 佢兩母女落嚟去元氣食下午茶
返上樓等三家姐返嚟，叫三家姐湊住粒孫，我叫姨甥女陪我去訂啲嘢，之前我一直想試香車街街市嗰間老闆娘雲南米線，呢間米線5:00 至開門，聽聞份量都唔少，諗住早啲去無咁多人兼當食埋晚飯，點知去到佢竟然休息，咁無計啦，諗住死死氣返屋企，阿Pat 突然call 話佢煲咗湯，坐西鐵攞出嚟，見我哋仲係荃灣，就費事返大窩口，係荃灣食埋嘢等阿Pat 嚟
本身都係諗住食米線，我又鍾意食薯粉，姨甥女話呢間都ok
食完約咗阿Pat 係荃新天地等，一齊去食甜品
阿Pat 煲咗花旗蔘湯，正呀
阿o靚妹唔知係咪嗰日係沙田比嘢咬親，隻手背腫晒，所以呢朝陪姨甥女帶佢去睇醫生，細妹又比自己放半日，call 話入緊嚟大窩口，叫我哋去平台酒樓搵定位飲茶
呢晚阿o靚妹個公公話要見個孫，所以約咗佢去荃灣稻香食飯，原來加拿大蟹都做緊特價，上次係細妹度食都留意唔到，所以今次要食番，橫掂有人埋單，哈哈
貓地一定好掛住你呀
回覆刪除唔知呢，我返到黎都無咩異樣，佢哋無唔記得我已經好好了
刪除元氣個下午茶好抵食，我返香港都有過，隔離飯香，見到妳遊記搞到我好恨食。又，稻香個晚餐好吸引呀！
回覆刪除𡃁妹隻手嚴重嗎？
咁又唔算好嚴重，隠陣起見都係睇吓醫生好啲，其實都好快消腫，有心了
刪除老闆娘米線好有性格架！
回覆刪除同佢無緣o忝
刪除香車街街市的那間我都想試。不過我食開另一間 ''唯一雲貴川風味''
回覆刪除呢間要限時限刻至有得食，好巴閉喔
刪除