曼谷行 — Last Two Day

第四日，可以瞓到自然醒，我同埋姨甥落街買嘢食，逢星期一無街邊小販檔，所以我哋去咗大排檔搵食

之後我哋帶埋o靚妹去幫襯酒店個泳池

個衰妹初初好驚唔肯玩，係我氹佢同佢玩，佢至肯玩，仲玩得好開心呢

游完水，我哋行去隔離酒店個泳池睇吓，呢邊個泳池深水好多

仲有個按摩池

返上樓沖涼換衫，原先姨甥幫我哋Book 咗去做Massage，但見就係我哋酒店附近就有一間，呢間三家姐話以前做過，係香港人開的，好彩之前book 嗰間未比錢，所以決定cancel 嗰間，嚟呢間做

做完帶我哋上天台坐，食番個甜品

之後行返酒店坐篤篤車去近地鐵站個商場，係商場附近見到有間有雞飯食

食飽行入商場超市掃貨

行完想call 酒店篤篤車返酒店，但個電話打極都唔通，唯有自己行返去，其實都唔算好遠，只係個屎o靚妹成日唔肯行，又無帶車仔

返到酒店放低啲嘢，抖陣又出去搵食，其實酒店附近好多嘢食，剩係食日本嘢都幾間

我哋揀咗呢間

食飽飯返酒店又再帶個o靚妹去泳池游水，今次去隔離嗰楝酒店個游泳池

個大池太深我只係陪佢玩咗一陣就去按摩池玩，最後個屎o靚妹玩到唔肯走

Last day 呢朝，姨甥自己一個帶埋o靚妹去小販檔買早餐返嚟食，姨甥話佢好乖唔駛抱肯自己行

上次條燒魚好好食，所以要食多次

食完嘢，我同姨甥帶o靚妹再去隔離楝酒店泳池游水，不過今次我無換泳衣陪佢玩，無咗我陪佢玩，佢又無咩心機玩，而且時間唔多，只可以玩一陣要走

執好晒行李call 車去機場

入咗閘又食，見呢幾日無食過生蝦，order咗

食完又買其他嘢食，芒果糯米飯就買返香港先食

返到屋企放低行李，就落樓去食宵夜三寶，今次真係有豬潤雞粥同尖椒了，再加啲其他嘢

就係咁玩咗五日，食足五日