新蒲崗

呢朝同三家姐、姨甥兩母女一齊去食早餐

中午又約咗阿姐契爺同佢Ex 女友係南豐中心飲茶

細妹呢日都仲係放假，比佢繼續瞓，無叫佢去飲茶，我哋買嘢返去比佢食，姨甥女去咗太子配中藥，等佢返嚟 ，我哋再一齊出去旺角瓊華中心打邊爐，記得嗎，我細妹係唔鍾意打邊爐的，不過一次半次，無所謂啦，而且都唔比佢反對，哈哈

呢個係椰子雞煲

佢四款飲品都試晒

另一日，姨甥女要去睇醫生，我負責落樓下大快活買早餐返去同三家姐一齊食，我下午約咗個舊同事見面，我去美國前曾經係新蒲崗返工，所以相約呢個舊同事返新蒲崗行吓

約咗係荷理活廣場等，先係商場食啲嘢

再行過去新蒲崗，舊同事話佢都好耐無去過新蒲崗了，我以前就係喺呢棟大廈返工

但查實呢，我都唔係喺新蒲崗呢度做咗好耐，好似都無一年，因為原本間公司係太子，後來至搬嚟呢度，所以呢，真實印象都唔算太深

最記得呢個商場仔，好多時食完lunch 會過嚟行吓，以為已經無咗o忝

最深刻都係麗宮戲院，都知一早無咗啦，行行下望到有隻貓過馬路，跳咗入個花槽度，我攞出零食請佢食，食咗我啲零食，佢一樣請番我食檸檬，衰衰

呢晚我約咗另外一個friend 食飯，佢係荔枝角返工，所以約荔枝角等，我好早就到咗荔枝角，所以自己走去時裝批發度行吓消磨時間，約定時候到，友人想帶我去食海南雞飯，佢話呢間Chick & Rice 啲雞好食好滑，佢有時都會齋買雞返屋企同佢娘親加餸，呢間啲雞又真係幾得喎

好友除咗請我食飯，仲送上小禮物，真係好客氣