抽水

話說一個風和日麗的星期天下午，Charco仔好乖咁係梳化度陪我睇無線劇集，後來佢瞓著咗

當佢瞓出佢o既招牌兔仔睡勢，我就出手……

最後……

 阿娘︰救命呀

看街的日子

Charco仔平時係屋企做啲物﹖我諗同所有貓地一樣，食、玩、瞓，除咗呢啲，大多數貓地都會鍾意坐係窗前望吓街、睇吓風景

其實佢除咗睇街之外，佢仲係度等…

除咗白鴿之外，有時會有海鷗，仲好大隻

有時佢會坐係度一直等，仲一路等、一路“中”眼瞓

被困飾櫃

上個星期六仔仔爸走咗去IKEA買咗個飾櫃返o黎

仔仔爸砌梗個櫃嗰陣，仔仔o黎睇吓砌成點

大功告成之後，Charco仔就走入去八吓

似唔似動物園o既黑熊

呢個飾櫃都只係幾十蚊，都算唔錯啦

同個女撐檯腳

母親節當晚，同阿姐兩個去咗慶祝，點解無仔仔爸份，因為佢同事結婚，去咗飲

嗰晚同阿姐去咗呢間餐廳食嘢

呢間餐廳係食Pizza為主，剩係Pizza都有二十幾款選擇

我同阿姐每人叫咗一款

呢個有煙肉粒o架，好好味

呢度啲Pizza無傳統嗰啲咁大個，細個啲，如果一個大男人，都會食得晒

另外又叫咗個三文魚意粉

個意粉用檸檬汁煮，酸酸地都幾好味

另外佢哋有出名o既Lemonade，有士多啤梨、桃、芒果、Raspberry味，都幾好飲

不過呢杯唔係Lemonade，係Iced Tea，我哋叫咗芒果味，不過好似比錯咗杯桃味，我覺得桃味就麻麻地

其實今次係我第二次去，上一次係二月廿八日，同我姑仔個女慶祝生日，呢間餐廳係仔仔爸聽電台DJ介紹話啲Pizza、Lemonade好正，所以就楝我姑仔 個女生日去，另外又叫埋我叔仔、大伯、大姑奶個女同佢老公，大人連細路成十二個人，我哋叫咗六、七款Pizza，我覺得款款都咁好味，我最鍾意係個餅底唔 係好厚，我個人都係鍾意食薄批

有啲都無影相，另外又叫咗兩個Pastas，都係無影相

呢個雪糕新地係送o既，我哋同餐廳講話有人生日，所以送比壽星o既，除咗嗰日係我姑仔個女正日生日，另外補祝阿姐二月廿四日生日，預祝仔仔爸三月二日生日

今餐係個女請我食，兩個人食咗$58.00連貼士，都幾貴，都係人多去食抵啲

母親節，梗係要捉個仔影番張相啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

成日見啲卜友Post外出、或者係住家美食，所以今次我又學吓人出吓美食篇，其實我係一個唔鍾意食西餐o既人，一餐半餐都可以接受o既，好彩我住近唐人街， 可以成日食到中菜，不過如果出美國唐人街啲中菜，同香港個啲美食比，真係笑屎人，學瓜子姑娘話齋，就連唐人街茶樓啲點心，都無香港嗰啲咁多款式、咁正，不 過呢間Pizza我真係一食難忘，所以亞姐話請我去食，我原本唔想去，心諗兩個人又食唔到幾多嘢，不過仔仔爸話，難得個女肯同妳去，第日個女再大啲，邊度 都唔同妳去，妳又呱呱嘈，所以咪去囉

“拮”起個蘿

我個女喺Charco仔由細到依家，都好鍾意捉住個衰仔，攬到實，又唔比佢走，又要咀佢，每次仔仔一比亞姐捉住咗，佢就會好無奈

所以每次佢一見到亞姐係房跑住出o黎，一路嗌︰Charco，就會走都走唔切，真係好好笑

仔仔的騎呢坐姿

啱啱阿姐見到我出天師o既卜，話我做物呢排唔出Charco仔o既卜，聽佢咁講，唯有搵啲嘢出吓啦

個衰仔真係坐得好失禮，但係又超得意