香港遊2015 — 台北Day 5 完結篇

住係清翼居旅館o既第二日，係星期日可以係佢哋二樓餐廳食自助早餐，但到閒日就要攞住張票去附近一間連鎖式咖啡店度攞早餐，可以揀一杯飲品同一份三文治

係呢度咖啡店旁邊條巷，連續兩日都發現呢隻三色貓，佢好怕人，我都係遠遠放哋啲零食俾佢就走，唔知佢最後有無食

咖啡店內一張支持領養的海報，店內仲有隻老虎狗，不過影佢唔到

 呢朝食完早餐，我哋就行去西門町，大約廿零分鐘，可能仲早，好似好靜

去食好出名既‘鴨肉扁”，啲鴨又真係幾好味

之後我哋要去台北車站買手信，買芝士蛋糕，每次我哋行去捷運站既方向，都見到有狀元糕賣，覺得又幾得意，臨走要買黎試吓先，買咗芝麻同花生味

 

台北車站

就係買呢個芝士蛋糕，要排隊，仲要每人只限買一個

又買咗呢個

我哋就住近台北車站站，其實站下都係一條地下街，每次都好想去行吓，所以買齊嘢就行地下街，向中山站方向行

行完就返酒店攞行李，約咗車去機塲，臨走前阿阻去其他樓層影童話卡通，四樓係“三隻小豬”

襯清潔阿姐執房打開門，又影吓間房

其餘樓層有愛麗絲夢遊仙境、灰姑娘，但係得剪影，所以無影相

如果大家有興趣可以click去睇吓 http://tp.morwinghotel.com/about/

香港遊2015 — 台北Day 4

呢日行程係去行街街，我哋搭捷運去忠孝敦化站，嗰度有地下街，嗰度好多小舖，阿姐就最鍾意行嗰啲小舖

睇阿姐尊影埋啲小玩意就知啦

阿姐買咗呢個帶番宿舍同啲Roommate一齊用

行咗一陣，契媽話想去咖啡弄食甜品，但阿姐無興趣，佢只想行街，所以就同契媽一家分道揚鑣

行完地下街，我哋行番上地面行吓搵吓嘢食

三家姐話台灣最出名係牛肉麵都無食過，所以行過一間賣牛肉麵就入去試吓，食完再週圍行

行咗入一間寵物店，店內有貓

仲攞咗人哋幾本免費刋物

行吓行吓，見到有食又買，見到平生果又買，後來返落捷運地下街搵地方坐吓食嘢同涼吓冷氣

臨join番契媽一家前，阿姐行入崇光又買cake食

Join番契媽，契媽話一定要去食出名o既饅魚飯，佢哋以前o黎食過

之後我哋搭捷運去饒河夜市又食過

阿姐玩夾夾機，夾到隻貓

又有魯肉飯，呢個藥膳排骨，我鍾意

成日我哋把口真係無停過，哈哈