豆腐來訪

尋日預祝我奶奶o既生日，住波士頓個姑奶同佢啲仔女過o黎一齊慶祝，咁表姐要o黎，佢當然會帶埋佢個愛子--豆腐o黎

豆腐十個月大喇，有四十幾磅

咁豆腐o黎到，Charco仔、天師就要困係阿姐房

Charco仔不嬲都唔鍾意俾人困住，佢就成日昅住個門口，等人開門

我哋出去食飯前，豆腐已經開始眼瞓

出門前要將豆腐困係籠度

開房時俾天師仔走咗出o黎，仔仔爸捉番佢，天師仔一見豆腐就好驚，要fee狗

之後我哋就出街食飯，表姐平時都好鍾意整吓嘢食，今次佢整咗個生日蛋糕o黎慶祝婆婆生日

仲有呢啲咁得意o既朱古力蛋糕，o黎氹啲小表妹

食完飯返屋企，豆腐要走喇，阿姐要同豆腐影番張相

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

開始係螢火蟲出沒o既日子，係香港真係好難會見得到，所以送上《見到螢火蟲》o既片

崩牙仔

之前曾經出過一篇卜，話Charco仔好鍾意哨啲牙出o黎，所以我哋叫佢做“哨牙仔”

睇，佢哨啲牙出o黎，真係好鬼型

但佢早排唔知點解無啦啦右邊隻牙仔崩咗，各位睇唔睇到呢

所以呢位哨牙仔，唔可以好似以前咁，哨牙哨得咁靚仔囉

依家只可以哨一邊，睇佢個樣都幾衰吓

Charco仔知道自己做咗崩牙仔之後，好唔開心呢

仲曾經一度借酒消愁o忝

唔知大家會唔會離棄我家Charco仔呢

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


原來貓地啲牙係咁脆弱o既，點解會崩o既呢，我懷疑佢係咬呢條粗繩咬崩o既

佢兩個都好鍾意玩繩，最鍾意就係我哋拖住條繩，佢哋追o黎咬，可能就係拉扯之間至扯斷o既

其實天師仔隻牙仔都係崩o架，不過唔係o黎咗我屋企至崩，佢做流浪貓之前已經係崩o架喇，不過只係崩咗好少，其實都唔係好覺眼

 

袋、盒、箱

膠袋、紙袋、紙箱、紙盒全部都係貓地o既至愛，唔理size大小，都係“唔駛多講、迫入至講”