行孖咇

我家Charco仔有個習慣，就係每日都要出去走廊散步，依家連天師仔都跟埋Charco仔齊齊去散步

起初，天師仔都唔敢行出去，後來見我哋會搵嘢攝住對門，見Charco仔出咗去又返得屋企，至大胆跟埋出去睇

依家係天師仔勁鍾意出去行，反而有時Charco仔行咗出門口，就係屋企附近坐住係度就唔願再行，又唔願返屋企

天師仔就話知你，一出親去，就會行到去另一邊，巡完就行番返屋企呢邊

呢，Charco仔又坐係門口等人開門出去行喇

原本天師仔都坐係度一齊等o架，不過一見我起身就彈起身

每朝早仔仔爸出門口前，都會比佢哋出去行，所以佢哋一日都會出去好多次o架，呢個就係佢哋每日必做o既活動

都話你肥o架啦

呢隻Charco仔呢，唔知係咪成日練得縮骨功多，以為自己啲功夫好“耍家”，所以成日都鍾意捐窿捐隙，唔窄唔迫啲地方都唔捐

和平共處

帶咗天師返屋企已經三個月，依家天師仔同Charco仔已經可以和平共處，間中都仲有打鬧塲面，不過已經唔係Charco仔齋比天師仔蝦，Charco仔 都已經開始反擊，識得撲埋天師仔度咬，天師仔見佢會反擊，都會避佢三分

首先o黎個好朋友、握握手

再睇吓佢哋依家可以近距離，都相安無事

仲可以有嘢齊齊玩

有繩齊齊玩

又齊齊玩嘢

 

 

係呢，我想問吓各位睇完啲相、啲片，您哋分唔分到邊一隻係天師仔、邊一隻係Charco仔﹖如果您哋分唔至問我啦

醉轉彎

曾經係襪襪‧灰紅o既卜度，見個襪襪有招醉轉彎

我近排見過Charco仔做過呢個姿勢兩次，第一次我影唔到相，今次比我影到喇

我諗啲貓地好少會做呢個姿勢，之前從來都未見過Charco咁坐，除咗見過襪襪咁坐之外，係其他卜友度都好似未見過，如果有其他卜友啲貓貓都係咁o既話，話比我知，好嗎

其實睇睇吓又好似幾型咁喎