盡情黐阿娘

呢日繼續去湊3 貓

阿B 爹哋話想食西班牙飯，所以湊完貓去買畀佢食，但之前無話佢知，買咗至話佢知

呢朝阿B 好爛瞓豬，9 點幾都仲未起床

呢排去湊貓，行過遇到窗口貓對面有個公園，呢日襯放個長Lunch，就帶阿過去玩

遇到狗狗，佢叫Coco

玩完返屋企直到阿姐收工去湊3 貓，呢日佢哋都好怕羞

之後去麥當奴買嘢食，仲去買雪糕

呢日女婿好早好早放工，返嚟帶咗阿B 出去放電，爹哋又帶咗阿B 去之前阿姐帶過去嗰個新公園度玩

Sundae 唔見阿B 係度，就係咁黐住佢阿娘

話說Weekend 將會有暴風，3 貓主人要求阿姐去佢屋企湊貓時，幫佢放係露台出面啲餵雀架攞番入屋，所以阿姐無帶阿B 去湊貓

走時去攞車嗰陣，阿姐遇到隻野兔仔

阿B 見媽咪返到屋企，開心到成隻生蝦咁係度紥紥跳，哈哈

暴風前夕，我住呢邊成個天粉紅色好靚，一到半夜就開始落大雨

暴風雨的早上，Sundae 陪住阿B 瞓

但一見阿娘醒咗就去黐阿娘

阿姐起身去煮早餐，返入房又見到Sundae 靠近阿B

阿姐話佢住嗰邊啲雨唔算大，風初時就好勁，到晏啲見啲風無咁勁就去湊3 貓，湊埋最後呢日

Cinnamon 唔怕羞喇

呢晚阿B 又要玩洗臭腳，但要人服侍佢幫佢洗腳

都係要媽咪幫佢洗一次

同病相憐

上個星期某日朝早發現Minnie 頸後損咗又無咗笪毛，應該唔知又同邊個打交整損，見佢用腳都抓得到，所以畀個頸箍佢帶，個頸箍我係返香港時買

用呢款頸箍佢自己可以都食到嘢飲到水

不過我都驚佢覺得唔舒服唔多想食嘢，週不時都會遞啲乾糧畀佢食

帶住頸箍唔舒服，見佢成日瞓覺

其他貓地見佢帶住個頸箍，好似見到怪物咁，成日好好奇咁望實佢

陰公，嚟嗲我呢

睇佢個樣幾楚楚可憐

帶咗3 日頸箍，見傷口結咗痂，就幫佢除頸箍，一除咗頸箍，舒服晒，佢即刻理毛

咁Minnie 有事當然要話畀阿姐知啦，咁阿姐又話我知原來Shallot 隻腳可能係敏感，佢成日舔隻腳，舔到損咗，所以M 表妹帶咗佢返診所，佢又係需要帶頭罩

返到屋企，佢帶住頭罩仲唔舒服呢

呢款頭罩對貓嚟講又唔舒服，食嘢飲水又比較難，所以M 表妹上網買個舒服嘅頸箍畀佢，佢個頸箍好靚靚呢

Shallot 同Minnie 一樣，同病相憐，希望Shallot 都好快好番，搵到致敏原，以後唔再過敏