貓樹受歡迎

我姑仔見我買咗棵貓樹，佢又心思思想買，但又怕買咗貓地會唔玩，咁就問我嗰棵貓樹有無貓幫襯，咁我就話比佢知，除咗年紀大嗰三隻，其餘四隻都好鍾意

Mango 仔係棵貓樹時間比較多

大小不良在樹上

Chewy 好有型

Marble 唔會上貓樹，但佢捐咗個頭入去，唔知有咩八呢，Minnie 都好似好想知，哈哈

仔仔爸某日話佢見到Chewy 同Minnie 一齊係貓樹上瞓覺，我話我成日都見

話咗比姑仔知話天師仔、Marble 仔、Charco 仔唔會上貓樹，除咗第一日抱過Charco 仔上去

點知無耐就見到Charco 仔連續幾日自己走上貓樹呢個箱仔度

總括嚟講，起碼我有四隻貓鍾意，所以呢棵貓樹都算無買錯，亦到無嘥到錢

要睇風景

只要天氣唔凍，我兩粒孫M & M，成日都想出門外八卦睇風景，見阿姐放工返到屋企，就想扭阿娘比佢哋出去

仲會唔願返入屋

阿姐休息係屋企，佢兩個可以早啲有得出去

外面有街坊嚟探訪呢

有時阿姐仲會放佢哋出後yard散步

無得出去睇風景的話，貓地唯有坐係梳化望吓外面啦

 S & S 兩個都係宅女，唔敢出去，都係留係房望吓窗外面啲雀仔算了

S'mores 見到雀仔好緊張呢

天熱了

天氣一熱，貓地即刻改變晒啲地方攤抖，啲貓床唔再瞓

愛攤地下

 Marble 仔就鍾意専攤係房

仲去浴缸瞓，飲水喉水

咁阿娘我係廳睇電視，佢都會上梳化瞓嚟陪我

天師仔呢，佢一開始就好鍾意捐入床底個窿位度瞓

一係捐入梳化底

一係就攤地

咁Charco 仔就鍾意瞓呢個貓兜

瞓架頂

佢瞓親地下一定反肚肚攤

已經好耐無見佢上床褥頂瞓，呢個夏天，佢幾乎每晚都係瞓呢度

咁Mango 仔呢，佢平時鍾意坐呢張凳，都已經唔再見佢坐

佢鍾意瞓紙箱

晏就唔想人騷擾瞓覺，佢就會跳上廚櫃頂瞓，佢可以瞓足一個下午

一係上貓樹度瞓，鍾意塊面黐晒埋牆，哈

奇哥仔就好正常，都無咩特別轉地方瞓覺，都係窗台、紙箱、入房上床瞓

 佢幾個都鍾意齊齊上床瞓晏覺

Chewy 就同奇哥差唔多，都無咩轉變，都仲會搵啲隱蔽啲嘅地方瞓

以前成日瞓床褥頂，依家見佢少瞓咗了

咁Minnie 呢，佢就多數瞓電腦椅，仲成日瞓都反晒肚，係咁曬自己件白色性感一件頭泳衣，哈哈

佢近排仲成日瞓係門口，唔通佢好掛住出邊走廊，都差唔多四個月都出去散步了

每到黃昏開始，佢鍾意上貓村頂瞓

兩個靚女係度girl talk

見呢張貓床已經唔瞓 ，就放番入房，但仔仔爸開冷氣，呢兩隻仔就返上貓床就歎住冷氣瞓