出去瞓

再講多啲我嗰張多用途床褥先

我之前咪講過，呢張床褥係如果有客人o黎，就推出去廳比人瞓o既，查實有幾可有人o黎我屋企過夜吖，未養貓前，我大姑奶個女去完夜街都會上o黎過吓夜，或者我姑仔會帶對仔女o黎過夜，weekend一齊去玩，但自從養咗貓，個個都話對貓敏感，都已經無人敢上o黎瞓

不過有時阿姐Pat Pat痕，都會推張床褥出廳瞓

Charco仔仲會係張床裖邊度玩

推咗張床褥出o黎，都要去抓

係度等阿姐上床瞓覺

等到瞓著咗

有時推番張床褥去走廊，Charco仔都會坐吓順風車

依家天氣熱，我家只有廳安裝咗冷氣，阿姐又怕熱，呢排成日都要出廳瞓歎冷氣，啲仔都好精，都要歎埋一份

有冷氣歎，要霸番個靚位先

依家阿姐放暑假，已經每日都瞓到黃朝百晏，阿姐起咗身，天師仔都仲唔願起床

唔執床都唔願走

一到夜晚，兩隻衰豬又霸定個靚位

每次天師仔匿係床褥邊，佢就最鍾意同我玩

啲貓貓真係爽，又有冷氣歎，又有得玩，仲有有兩隻貓貓陪瞓，阿姐都不知幾開心呀

又玩紅白藍

好驚天師仔一嘢撲扁Charco仔

多用途床褥

呢張床褥除咗係佢哋o既貓抓板外，仲係佢哋o既playground，天師仔就最鍾意係張床褥頂度玩繩繩

Charco仔有時又o黎玩埋一份

有時又係張床褥度玩吓好身手

仲懶係好身手

有時仲會變成一條貓隧道

所以話呢，呢張床褥，真係好實用、仲好襟用o忝

床褥介紹

我唔係有靚床褥介紹，我只係想介紹吓我屋企一直放係走廊嗰一張床褥唧

呢張床褥最主要o既功用就係，如果有人o黎我屋企過夜，我哋就會將呢張床褥推出廳比人瞓

咁平時無用放係走廊，最大o既用途就係比貓貓攞o黎做貓抓板

有時會瞓係度磨爪，磨完仲唔捨得走，繼續攤抖

曾經有卜友見到我呢張梳化熔熔爛爛，都問係唔係貓地o既傑作?

no, no, no，其實Charco仔從來都唔會去抓梳化，因為佢知道自己有一張咁大型o既私家貓抓板，而天師仔都好叻，知道呢張床褥係可以攞o黎磨爪，當佢想抓梳化，我哋say no，咁佢就知道只可以係床褥度磨爪，因為無人會say no

自細Charco仔就除咗攞呢張床褥o黎做貓抓板之外，仲會攞o黎練攀床褥，睇佢咁細隻已經識自己爬上床褥頂

仲好鍾意係床褥頂度hea

天師仔初初入門嗰陣，都係好鍾意走上張床褥度hea吓、瞓吓覺覺豬咁

Charco仔真係藝高貓胆大，當仔仔爸要拖地，挏高咗張床褥，個衰仔一樣爬到高一高

除咗呢張床褥，我家都有一個貓抓柱，係阿姐個表哥買o黎送比Charco仔，所以Charco仔都幾多人錫，間中Charco仔、天師仔都會去呢個貓抓柱度伸吓懶腰兼磨幾嘢

呢張床褥，日子有功，其實都已經比佢哋抓到花晒