貓地食好西

係我屋企貓地暫時都有正正零食食，記得之前兩次返香港前，都託定貓友幫我再託另一貓友，幫我訂魚扒，但今次返香港唔想再麻煩人，所以諗住貓地都係無平零食o架啦，點知咁啱我飛返香港嗰日，姨甥女咁啱又飛去日本，咁我咪叫佢幫我入貨囉

存貨唔多，我都好慳住比啲貓地食，一條魚扒分甘同味囉，另外啲肉醬汁汁，都係每貓半條o架咋

原本想試吓佢哋可唔可以齊齊埋貓枱食，原來係唔得的，依家連Chewy 都唔埋貓枱食

 

做我啲貓都幾算幸福o架啦，除咗呢啲，都仲未計係呢度長期買到嗰啲貓零食呢，Mango 仔見咁多正嘢食，一定覺得佢呃到一個五星級的家啦，哈哈

一啖砂糖一啖屎

Mango 其實都唔知係咪唔鍾意比人摸，但有時又好柔順，任我摸喎

佢開始會入房嚟陪我，上我張床搓被被同瞓覺

可能佢眼瞓啦，所以咁順攤任我摸住

某朝早佢見我食緊嘢，佢係枱上面走上我大髀度坐，但摸摸吓又唔比摸了，衰衰

某晚佢又好主動咁跳上仔仔爸大髀坐

仲試過跳上床比仔仔爸攬住瞓

佢亦都試過一次好似下面張相嘅奇哥仔咁，我入屋坐梳化想除鞋時，跳上我大髀，仲伏晒係我心口任我摸

不過我好犯賤，有時佢越唔比我摸，我就越要摸佢，係都要搞到佢忟忟憎憎 😆😆

偷食案

事發於早幾日前清早，事主發現放係鋅盤的一條麵包，被某一貓賊偷食

事主暗揄係某“水果”貓做的

其他貓探員都出動幫手調查

最後成功將疑犯逮捕

逮捕疑犯時，牠還仍一臉不知悔改的咀臉

😄😄😄

超級為食貓

初初見Mango 仔口痛唔肯食嘢，真係心痛，點知一好番啲，原來係隻超級為食貓嚟，仲要為食過Marble 仔

一見人食嘢就虎視眈眈

我食緊蒸包，又走嚟咬

平時覺得佢對肉味就最敏感，但我呢個飯盒係涼瓜炒蛋，佢都一樣啱

係咁想偷食

 

避入房食都唔得，趕佢走就匿係枱底

我一行入廚房，佢實走埋入嚟八

最鍾意跳上呢度睇我整咩，如果係開罐頭或者煮飯，嗅到味就仲走上鋅盤搶食

有時趕走佢，佢又去呢一個地方昅實

有時趕極都唔走，唯有困佢入房，搞掂至放佢出嚟

 
試過貓地等開餐時，Mango 仔打咗Marble 仔一下，之後Marble 仔唔敢埋去貓兜前食，不過至從困咗Mango 仔入房， 等貓地開好餐至放Mango 仔出嚟食，Marble 仔就無再唔敢埋嚟食

嗅到奶味，又跟住晒

最鬼憎佢成日去摷垃圾筒，已經綁住膠袋，佢都仲要去摷

有時佢都會乖乖地咁等開餐

依家佢就最鍾意坐呢張櫈，因為可以成日昅實個廚房

唯一佢比Marble 仔乖，就係我哋開好飯，佢唔會走上飯枱嗅同埋偷餸食囉