Mocha絶育後

 Mocha 絶育後幾日，佢都無咩點出過間房，我都畀佢靜靜休息

 

見佢跳上衣櫃頂，都驚佢會整到傷口

4 日後佢開始肯出房，但最多都係留係走廊度 

但朝早佢又忍唔住出嚟等早餐

夜晚佢又會嘗試出嚟週圍八，會飲水機啲水

有時我又氹到佢出嚟黐吓我

但日抖，佢都係鍾意留係房度，有嘗試連貓帶貓床抱佢去梳化陪我，但佢好快又走番入房

開始攞走房裡面個貓厠所，等佢自己出嚟去大小便，佢始終都係鍾意留係房多啲，我入房陪佢佢又好開心咁黐實我

佢開始每朝走出嚟等早餐，畀佢試吓出嚟食

平時佢唔敢出廳時，佢好鍾意呢舊芝士貓抓柱

有一晚我入房瞓時見佢瞓咗入舊芝士度，仲以為佢會係度瞓，點知我上咗床無耐，佢就走上床黐住我瞓

日抖佢都係鍾意匿係房瞓多啲，我都試過幾次引佢去陪我，但佢都好快走番入房

又早幾日前開始，佢係我哋食晚飯嘅時候，就主動走出嚟

佢嗅到啲玩具有貓草味，佢high high 地

佢個傷口應該已經唔再痛，所以佢依家每朝keep 住肯出嚟等早餐，我哋食晚飯時，佢又keep 住出嚟行吓

打算下個星期一開始，撤走埋房裡面個糧食兜，等佢出嚟食乾糧同飲水

Mocha絶育前

Mocha 係絶育之前，已經大膽咗好多，敢行出房出嚟，不過見到有貓地昅住，佢又唔太敢出嚟

可能係發情嘅關係，所以佢比較想搵人慰藉，較黐人

唔夠膽出房時候，就留係房，Mango 對佢好好奇

佢見無其他貓係度，佢又會自在啲

呢日我準備整嘢畀貓地食，佢咁啱出咗嚟，等我開餐

我試過整雞胸肉佢食，佢唔鍾意食，只鍾意食罐罐，又試畀吱吱肉醬條佢又唔食

食完晚飯，又引佢出嚟黐吓，仔仔爸又抱佢增進感情

引佢上梳化陪我睇電視，其實其他貓地都好快接受佢，Charco 仔直頭當佢無到，見親佢都掂行掂過，只係佢驚就出手打Charco，奇奇就比較難接受佢，無次奇哥見到佢都會fee 佢，難得Mocha 上咗梳化，奇哥無理佢

佢開始多出嚟活動

引Mocha 埋嚟坐我大髀，點知Minnie 走嚟搞佢pat pat，哈哈

又引佢入房陪我用電腦

某日仔仔爸係房用電腦，見到佢玩個新貓柱

 

朝早開始夠膽出嚟等早餐同係度食

 

依家又可以分六份餐，真好