Mango 仔與貓B

講過花生、黃糖係最早唔怕人，會愛黐人嘅貓，所以佢倆個成日都會黐住我、陪住我，而Mango 仔不嬲都黐人，佢仍然都會鍾意黐住我，所以Mango 仔唔介意同啲貓B 一齊瞓

黃糖黐住Mango 哥哥一齊瞓，證明佢哋都好鍾意呢個哥哥

好搞笑，Mango 仔條尾圈住咗花生條頸，想幫佢暖頸嗎，哈哈

齊齊黐實陪住我

開始黐人嘅芝麻，亦開始加入一齊黐住瞓

每日開罐頭餐時，Mango 仔同貓B 一定係廚房度等，Mango 仔會去咬啲貓B

不過唔會咬得好大力，所以啲貓B 唔介意Mango 哥哥咁樣同佢哋玩，仲會主動撩Mango 哥哥玩

見Mango 仔咁包容啲貓B，我覺得Mango 仔好抵錫呢

今日我會飛香港玩兩個月，闊別香港5 年，好掛住香港啲屋企人同朋友，但返到香港又會好掛住家中九隻寶貝

4貓B 10月時的點滴

睇住芝麻、花生、黃糖、黑糖身型繼續長大

因為佢哋食量都好大，啱啱食完罐頭，一倒乾糧又即刻又食，想唔大得快都唔得啦

佢哋再大啲，就會霸晒張梳化同床，到時我都無位坐、無位瞓，哈哈

最開心係佢哋鍾意黐住我

花生陪住爸爸賭馬仔

見親黑糖個“加拿大”，真係見一次笑一次

見到黑糖瞓係我張床度，真係好似見到以前嘅Charco 仔咁

黑糖都開始黐人，我每次入厠所，佢都會走入嚟要我摸佢，平時佢都鍾意人摸佢，但就唔可以哄到佢好埋，佢會走囉

佢亦開始無咁怕仔仔爸，亦都會主動討仔仔爸摸

一有新紙箱又玩不停

細箱仔都唔放過

可以將條隧道由廳玩到去走廊，可想而知佢哋玩得幾咁癲

阿B 食湯圓

尋日週日阿B 有咩節目呢，早上留係屋企玩玩具

畀對拖鞋仔佢著，唔鍾意自己除咗佢

下午就去咗嫲嫲屋企同表弟玩，表弟細阿B 3 個月，身型同阿B 差唔多呢，玩表弟嘅音樂玩具

又週圍搞搞震

食咗晚飯，阿姐煮芝麻湯圓食，啲湯圓阿B 就食唔到，可以食啲芝麻糊

阿B 覺得好好味呢

食到成隻污糟貓咁