奇哥入門五週年

奇哥仔入門五週年喇，硬係覺得奇哥仔好似已經嚟咗好耐，感覺唔只五年

初入門時好瘦，慢慢至長肉

本身佢自己食罐頭都係鍾意舔汁多，乾糧佢自己都好節制食，所以佢身型keep 得好fit

其實佢依家都好好肉地

因為身型fit，所以佢身手好好，跳上雪櫃頂、衣櫃頂都無難度，佢到依家都仲好鍾意瞓衣櫃頂

係曾經自己R 損眼蓋，同埋耳仔成日都好污糟，需要成日洗耳仔滴耳藥水之外，身體都好健康

有時佢都好嗲人，係都要嗲住人

要討摸

已經好少見佢嚟房窗台睇雀雀同瞓覺，除咗瞓衣櫃頂，佢鍾意瞓呢塊抓板同呢個盒

佢好鍾意舔啲紙同膠袋，不過見佢唔會咬掉吞落肚就由得佢

某日見到隻玩具老鼠係啲乾糧度，應該都係奇哥仔嘅傑作，因為佢無聊時會見佢咬住啲玩具，一邊行一邊叫

我只期望我每隻寶貝，可以健健康康，開開心心，陪住我好多年

阿娘食啲咩

呢排Charco 仔好八卦，每朝都嚟睇吓我早餐食啲咩嘢，一見佢啱食嗰啲，佢就爭嚟食

一見唔啱食就調頭走

有時我都未攞嘢埋枱，佢已經跳上張枱度等

佢最鍾意食麵包、蛋撻

 

 

佢又好鍾意菠蘿包面啲脆皮，我send 比阿姐睇話似佢鍾意食菠蘿包

某次阿姐返嚟食麵包，佢又要去分一杯羮

以前開飯食，只有Marble 仔成日昅住枱上面啲餸，仲會上枱偷餸食，依家間中Mango 仔都會霸住仔仔爸張凳又睇吓有咩餸食，不過佢好乖，唔會跳上枱偷食

 

相遇七週年

只差一個月，就係同Marble 仔相遇七週年，都仲好記得係17 樓遇到佢嘅情景，Marble 仔係一隻文靜嘅貓，又唔太愛玩，就算窗外面有雀仔，佢都唔會有興趣去睇、去捉，佢係獨家村，好少主動同其他貓friend，但佢又唔怕陌生人，會主動去黐陌生人，又愛黐人

唯一係佢係一隻為食貓，好愛食 

連花花菜菜都唔放過

梳化係佢最常待、愛瞓覺嘅地方

好懷念佢黐住我、陪住我嘅時光 

佢可愛嘅樣子

佢肥嘟嘟嘅身軀，連瞓覺都咁可愛

尤其佢個招牌伸俐樣，真係好得意，但以後都睇唔到了

阿姐都一定都好掛住佢

我已經開始習慣無咗Marble 仔嘅日子，但我仲好掛住佢

唉，又一邊流住眼淚一邊打呢篇Blog，只同佢相處都唔夠七個年頭，覺得一啲都唔夠