好心有好報

上個星期阿姐幫某一間愛護動物組織買咗幾張抽奬券，點知比佢抽中咗，啲奬品仲送去佢屋企，啲奬品都唔少喎，我張呢件事post 上group chat，我姑仔都話阿姐好心有好報

Mittens 好鍾意間貓屋仔呢

阿姐近年來開始學整唐餐，之前已經問仔仔爸點蒸魚，已經蒸過幾次，上個星期又問點整梅菜蒸肉餅

佢嗰邊買唔到燒爉，所以佢上網學整燒肉，舊肉佢醃咗兩日，要焗兩個鐘，睇落都唔錯，阿姐話都幾好味

有一次阿姐話叫咗個同事嚟食飯，買咗三隻龍蝦，每隻都係十零蚊，話好抵食喎，其實佢send 比我睇，係想引我嗎，哼哼

前日阿姐叫咗幾個friend 返屋企坐，佢哋一齊玩大富翁，有貓地陪玩呢

尋日係假期，佢兩姊妹襯阿娘起身去霸床舖

Charco仔十三歲了

其實今日係Charco 仔入門第十三年，平時我會預早兩個星期當係佢嘅生日，但依家係呢個防疫嘅日子，阿姐又無得返嚟，都無咩心機同心思同Charco 仔做生日

黑貓嚟講，佢其實好上鏡

 

由呢個櫃頂飛身上個架頂度，好勁

 高高在上

鍾意show 牙仔嘅Charco

成日比阿姐阿娘扮鬼扮馬

咁多隻貓，成日瞓得最豪放嘅就係佢

 曾經愛舔肚仔啲毛，無毛好醜怪

阿姐仲未入大學前，Charco 仔好鍾意瞓係阿姐枕頭旁邊陪阿姐瞓，阿姐最錫佢

年紀開始大，點食都唔肥，其實佢食量都唔大

貓地一過咗十歲，我就開始擔心貓地嘅健康，十三年來，佢都無咩病痛，希望佢一直健健康康，無憂無慮咁係我家生活落去

調停

唔知點解奇奇好唔鍾意Mango 仔，佢有時會失驚無神撲埋Mango 仔度咬，之後兩個就打埋一堆，所以Mango 仔有啲怕奇奇

某日奇奇又追上廚櫃頂想打Mango 仔，睇奇奇fing 晒尾想打交，Mango 仔就面都青晒，哈哈

後來Minnie 走咗上去做調停

調解員Minnie 先向奇哥說項︰「四哥你唔可以咁對五哥㗎，大家一家人……
 

應該和平相處，相親相愛……

……﹙下刪100 字﹚

之後再轉向Mango 仔訓話︰五哥你好無鬼用，四哥咬你，你咪咬番佢囉……

咬到佢都驚咗你，佢咪唔再追你嚟咬囉……﹙下刪100 字﹚

最後Mango 仔同奇奇，聽咗Minnie 嘅說話，平息咗各自嘅情緒，之後就覺得好攰，就各自瞓覺

今次咁快平息呢場糾紛，Minnie 真係功不可沒