Jigsaw Puzzle

阿姐自細就同我一樣有個共同興趣就係鍾意砌Puzzle，每當砌Puzzle 嗰陣，啲貓都鍾意嚟搞搞震，以前Charco 仔都係咁

就算佢入咗大學寄宿，都仲有同啲Roommates 一齊砌Puzzles，佢搬咗去新屋無耐，買咗一盒40320 塊嘅Puzzle 放係樓上間房度慢慢砌，嘩，40000 塊真係唔知要砌到何年何月

佢啲囡囡實去搞搞震啦，睇Macy & Mittens 仲走埋入個盒度玩，佢哋會去咬啲Puzzle 㗎

阿姐話S'mores & Sundae 就好乖會陪佢砌Puzzle，無搞搞震

難得S'mores 同Macy 共渡一室

S'mores 情願玩橡筋都唔會去咬阿姐啲Puzzle

咪以為Macy 咁乖陪阿娘砌Puzzle，阿姐話佢炸炸第第會伸手去搞啲Puzzle，話吓佢就走去另一度匿埋

我諗當有朝一日副Puzzle 終於砌好嘅時候，應該會唔見、或者損毁咗幾塊

男主角

前日我係仔仔爸、我姑仔、阿Pat、Stacy 個WhatsApp Group 度post 咗呢兩張相

個個都話佢似加菲貓

阿Pat 問可以幾時見到佢嘅真身，仔仔爸話我anytime 係屋企，幾時都可以，咁阿Pat 話就呢晚收工上嚟我屋企食飯，問埋我姑仔同Stacy 嚟唔嚟，但佢哋都唔得閒，上嚟食飯當然無問題，但我講明我只識煮簡單嘅餸菜

阿Pat 一邊影貓、一邊post 相上WhatsApp group，猛話Mango 仔個樣好過癮

但佢又唔敢摸Mango 仔，因為佢怕比佢咬，仔仔爸就示範Mango 仔點唔比人摸

我只係煲咗個蕃茄洋蔥牛肉碎湯，灼郊外油菜、火腿炒蛋，仔仔爸收工就特登買舊鯇魚返嚟比我哋食

 天師仔就全程係梳化，陪我哋食飯

食飽飯，奇哥仔招呼阿Pat，幫奇哥拍pat pat

仲有飯後果供應

仲示範Mango 仔只要有嘢食時，就可以任摸同任梳毛，(我係旁邊緊餵零食)

大部份都係Mango 仔嘅相，我姑仔睇完啲相，話呢次Mango 仔做咗男主角

Cat Expo — Cat Show

睇完啲領養貓，又行過隔離個場睇吓，一入門口見到係賣貓嘢

再行入去原來係Cat Show 場地

不過都無咩興趣睇比賽，走去睇人哋啲貓貓

啲人將啲貓打扮得幾靚，其實乘機賣呢啲貓時裝

帶得啲貓去參展，大部份都係一啲Breeder，又乘機賣吓貓仔

呢個場仲有好多貓用品、貓精品賣

呢隻貓有個人Facebook Page

行完晒，我哋就去Mitsuwa 食嘢

去得Mitsuwa 一定會去埋隔離搵吓啲貓，一去到迫好車，就見到有貓出沒，屁屁主人架車常備貓乾糧，佢成日都去佢屋企附近餵流浪貓，屁屁都係喺嗰度用食物引誘佢返屋企

隻貓食嘢好斯文，慢慢食，好曬喔，我哋幫佢擋陽光，直至佢食完為至

之後去搵其他貓

上次都見過呢長毛三色貓

好彩咁啱嗰日Amy同佢男友會去，咁就拜託屁屁主人車我返New York，唔駛阿姐特登車我返屋企至再返康州，可以慳好多時間，真係唔該晒

阿姐一返到屋企，Macy 迎接佢哋

阿姐係會場義賣買咗兩個貓草枕，S'mores、Sundae、Mittens 都high 到爆