阿B 之日常

阿姐work from home，一邊做嘢、一邊湊女，佢倆母女係屋企多數做啲咩呢，做媽咪嗰個成日都同個女扮cute

其實阿B 自己都成日古靈精怪

某日阿B 係地下執到個髮夾，記得係放係頭扮靚靚，叫媽咪幫佢夾番

又去餵啲貓姐姐

佢黐實貓姐姐，貓姐姐又會黐實佢，好sweet

又會幫手淋花

實係個壺太重啦

又變身做閃電俠

呢朝阿姐見阿B 早起身，帶佢去商場玩一陣

出街買珍奶飲

阿B 又多隻牙仔喇

陪爹哋打機，見遊戲個公仔發出嘅聲音，佢又去學

佢好蠱惑，一時好孝順餵爹哋食生果，一時又整蠱爹哋，哈哈

阿B 點過母親節

啱啱過完個母親節，阿姐係第二次慶祝母親節，其實係唔係母親節，阿姐都會成日帶埋阿B 出街，母親節前一日，又帶阿B 去行街搵食

母親節正日，阿姐send 咗呢張相畀我

女婿鍾意砌Lego，佢哋去咗行Lego 展

砌咗阿B 個名

其實係唔係母親節，阿姐一家都係咁sweet，咁開心

母親節前一日，阿姐Message 我問我煮飯未，見佢咁問都估都有啲嘢，佢叫我唔好煮，會order 晚餐上門畀我，係韓日餐，order 咁多都食唔晒

早上的阿B

踏入五月，天氣都開始熱，一熱少少阿姐成日開水畀阿B 玩 ，佢真係好鍾意玩水

呢日阿姐用視像同公司同事開會，阿B 不停同人揮手

阿B 變身做壽司師傅，哈哈

我哋探完阿姐一家嘅第二日，佢哋一家去Costco 入貨，阿B 自己揀衫仔

阿B 食大塊Pizza，仲有大塊Cookie

仲買咗玩具

之後又去買甜食，阿姐話之前買過一次佢記得，佢指住要買

之前塊大Cookie 食唔晒，留返屋企繼續食

阿姐話阿B 依家每朝早起身都會做嘅事

阿姐話佢似隻馬騮

臨瞓前同啲貓姐姐互動吓

其實係度蝦姐姐

阿姐話Macy 特登走去陪阿B 瞓

依家每朝起身會做嘅事就係，會幫媽咪攞眼鏡

幫媽咪攞完眼鏡之後，佢會自己攞水飲，跟住就望街街

我哋去探阿姐一家時，帶咗啲紙包蛋糕、腸仔包，阿姐呢朝畀阿B 做早餐，個紙包蛋糕一人一半，但阿B 又搶咗媽咪嗰份，咁阿姐去攞香腸包食，佢又搶咗媽咪個包，佢又識畀番半個包媽咪，自己食咗條腸仔，哈哈

阿姐話佢好“惜食”連黐住啲紙嘅少少蛋糕碎都唔放過

呢日下午阿姐見無咩嘢做，帶阿B 出門口附近行一圈，行咗一陣佢就眼瞓，最後瞓著咗

呢朝阿B 攞爹哋副眼鏡想帶，阿姐話佢唔可以，佢又嘟咀