哨牙仔 & Happy Halloween

Charco仔成日都哨啲牙出o黎，有時一隻，有時兩隻一齊，都幾嚇人

佢一哨啲牙出o黎，仔仔爸就會叫佢做“哨牙仔”

Charco仔︰爸爸話只要我哨啲牙出o黎，再加件斗蓬，粧都唔駛化，就可以參加聽晚個Halloween遊行，不過我諗我都係留係屋企好喇，我驚我咁俊俏o既黑貓伯爵一出塲，會鬨動個“爬地”

咁我哨牙仔同大家講
Happy Halloween

三藩市之旅—呃卜篇

點解仲有三藩市之旅o既卜，我其實去咗五日四夜，第五日就走喇，三藩市之旅都出咗六篇，咁又o黎一篇卜，咁仲唔係擺明呃卜

其實我只係想post啲其他得意啲o既嘢唧，唔講咁多喇，睇相啦

三藩市其他o既街景

去咗睇博物館

放係街上o既銅像

一級方程式，勁呀

得意狗狗一隻

點解阿姐會咁o既樣，咪係呢隻狗好鬼屎串，點都唔睬人

路邊公共厠所一個，去厠所要快呀，要計時o架，一夠鐘佢會自動開門o架，如果仲未完事，咁係醜屎鬼喇

啲Mini cup cake，好靚呀，好想食

好得意攞設

呢幾隻貓貓筷子托，係喺日本Town一間叫Daiso Japan度買，好似香港吉之島十蚊店咁，全塲所有嘢都係$1.50，係咪好得意呢

認唔認得呢個係邊個﹖

係趙學宜，其實仲有韓君婷，不過當時佢已經上咗的士，所以無得同佢影相

好喇，三藩市之旅真正落幕，唔會再有下一篇，所以唔好噓我

Charco仔食蝦蝦

帶Charco仔返屋企嗰陣，仔仔爸係喺冷藏海鮮公司度做送貨司機，有時佢會買一盒雪藏蝦返o黎整比仔仔食，食過幾次，有一次食完蝦，無幾耐仔仔就嘔返晒出o黎，試過幾次都係咁，所以以後都無再買雪藏蝦返o黎食，反正我哋一家三口都唔鍾意食雪藏蝦

事隔咗好耐、好耐，真係好耐、好耐，有一日仔仔爸買咗新鮮蝦返o黎

其實啲蝦都唔係好大隻o架咋

我哋一家三口都好識食，雪藏蝦唔食，要食紥紥跳、搵人要o既新鮮蝦，咁我哋諗個衰仔食咗會唔會嘔呢

見佢咁想食，就比佢試吓啦

又係摛住o黎食

今次只係比咗八隻佢食，食完又無事喎，咁證明個衰仔係一隻嫌尖大少，係新鮮正嘢至夾到佢啲腸胃，兼一樣咁識食

仔仔爸見Charco仔食新鮮蝦又無嘔，所以又買過一次返o黎齊齊食，yeah~

個衰仔一嗅到就跳上枱係咁索

見到佢條脷仔呀，好可愛呀

亞姐話要錫錫至有得食