開多個位

由上個星期二開始，我哋一開枱食晚飯，Charco 仔就先坐咗我張凳，搞到我要開多張凳o黎坐

後來我哋食完飯，執埋啲碗筷，佢都仲未走

連枱都收埋了，都仲唔捨得走

之前仔仔爸買咗盒雪藏帶子攞去表姐屋企BBQ，佢已經抽起一部份

我哋食完飯之後，仔仔爸攞咗一啲帶子，蒸番熟比Charco 仔同Marble 仔食

因為天師仔唔愛食海鮮，佢無帶子食，就請佢食潔齒餅

到咗第二日，呢晚到Marble仔o黎霸位，因為佢嗅到帶子味，因為今餐有帶子炒四季豆

睇吓佢個為食樣

之後一晚，Charco仔又o黎

星期五晚又係咁

尋晚又係咁，唔知一陣開飯，又駛唔駛開多個位比呢位陪食員呢

三樓執到貓

話說今日仔仔爸攞衫去洗時，係三樓見到一對男女陪住一隻虎紋貓，咁佢就問對男女係咪佢哋o既貓，對男女就say no，咁就繼續問佢哋點處置隻貓，佢哋又係say no，咁仔仔爸就二話不說就抱咗佢返屋企，仔仔爸話佢好乖，無掙扎，粒聲都無出

後來仔仔爸楂車o黎接我收工，返屋企車程中，仔仔爸都無同我講過隻貓o既事

當我返到屋企，走入厠所見到浴缸放咗個貓籠，仔仔爸至話我知佢抱咗隻貓返屋企，佢話佢真係好乖，個籠都未set 好，佢已經自己走入個籠入面，之後仔仔爸就出門去洗衫，再攞車o黎接我收工

我第一眼見就係佢對眼好大

之後就即刻幫佢沖涼

抺身時都好乖

唔知點解佢呢度無咗一大執毛

吹毛時都好乖

之後帶佢返房

好乖，唔怕人，好溫純

比嘢佢食，佢應該好肚餓，不停咁食，食得好急

後來仔仔爸抱咗Marble仔入o黎見貓貓，其實Marble仔驚咗佢

之後比佢自己休息吓，再之後仔仔爸幫佢剪指甲

唔鍾意，掙扎又兇人

我沖完涼就入房陪佢

後來我返房出post 上facebook，問吓啲貓友佢係仔定女，因為我唔想好似上次執Marble仔咁擺烏龍當咗佢係女

後來貓友全部都話係女仔o黎

Marble仔就入房陪我，個樣好無心機呢，怕多隻貓爭寵嗎，哈哈

慢慢佢仲瞓著咗
 

我哋食飯前，仔仔爸入房睇佢，佢都一直匿係床底唔出o黎，佢係嬲咗仔仔爸幫佢剪指甲，但我入房佢又會走出o黎

食完飯，天師仔跟仔仔爸入房見貓貓，三貓最想八貓貓就係天師仔，之前已經係房門口等貓，佢入到房想嗅貓貓，但貓貓驚驚，仲兇天師仔

後來仔仔爸請佢食潔齒餅，佢至肯出o黎，又係為食貓一隻 

睇佢咁溫純，年紀都應該好細，應該係有人養開，暫時唔同佢改名住，驚佢係走失貓，睇吓有無人貼紙話走失咗貓先

但見佢都偏瘦，面尖尖，似“儍豹”，見佢咁瘦，佢個主人都唔慌對佢好啦

下個星期就係勞工節，勞工節前係貓地遺失高峰期嗎，因為兩年前，又係喺勞工節前執到Marble 仔的

瞓身之作

屋企有部單反相機，我就嫌煩唔會用，仔仔爸得閒就攞出o黎影吓三隻貓地

 

有時仲要瞓晒身，扒係地至影到

單反相機真係唔容易影得好，尤其係室內

Marble仔要減肥

某日仔仔爸抱住肥仔Marble仔話佢好肥，應該要減吓肥，咁我就話要佢做set up 啦

咁仔仔爸即刻抱個仔坐係地下同佢做set up

做到Marble仔喊晒救命，哈哈

再上個星期某日，阿Pat 想仔仔爸上門幫靚女阿Flo剪指甲

阿Flo 剪指甲時都算係好乖

咁乖，剪完指甲當然要比零食奬勵吓啦，原來阿Flo 識比手手o架，好叻叻呢

之後又同佢玩佢最鍾意o既老鼠仔

雖然阿Flo 唔太怕陌生人，但我哋摸多佢幾吓，佢都唔係咁鍾意，會走避開我哋，佢更加避開仔仔爸，可能嬲仔仔爸同佢剪指甲呱