各自各食

都唔記得係幾時開始，已經無咗以下張相嘅情況，係貓地已經無再一齊係貓兜前用餐

依家只有天師仔會係度食

咁其他啲貓，就會當時佢哋係邊，就係嗰度食

Mango 仔朝早會係廳度食，但下午嗰餐，我會困佢係房度食，因為佢食得快，怕咗佢去搶其他貓嘢食，兼騷擾其他貓進食

依家Minnie 鍾意係入牆櫃度食，以前佢係貓兜度食，好多時都食唔晒，可能怕Mango 仔嚟搞住佢，佢依家係入牆櫃度食，好多時都會食乾淨

佢知要開餐，會係櫃門口等

後來佢越來越精，直頭係裡面度等

父親節

尋日父親節，仔仔爸見阿姐“粗身大細”，就算捱貴油都自己揸車搵個女去慶祝，前一晚，仔仔爸一收工就去買料煲湯，煲咗蕃茄薯仔牛骨湯畀個女補充鈣質，煲咗一大煲

先去阿姐屋企，一入屋就見到2M

2S 就係房

仔仔爸一入屋就去搵2R 出yard 度玩

我唔敢同佢哋玩，我就陪啲貓孫女，陪2M 望街街

2R 就成日嘈人陪佢哋玩

臨走前，見Mittens 走咗上床同2S 一齊瞓，阿姐話係舊屋時，Mittens 出咗廳瞓之後都唔敢返入房，因為Sundae 會打佢，後來搬入嚟新屋都係咁，係近排佢至返入房上床瞓，而Sundae 依家無再打佢，見佢哋依家可以相親相愛，真係好安慰

之後我哋去食法國菜，每人二個course

阿姐揀呢間餐廳嘅原因係，佢又有Pat Sitter 嘅Job，個job 就係間餐廳附近，食完我同阿姐行去開工，我哋另一半就係車度等

佢係Sadie，舊年聖誕節時阿姐已經做過一次

阿姐話佢初時都怕人，但都好快熟落

一打開門，佢一見人就叫，應該係好肚餓，見到我呢個陌生人都唔驚

好靚女呢，size 同Chewy 差唔多，主人同佢帶花花頸帶，見佢個兜仲有好多乾糧，佢要扭罐罐食呢

我就去幫手摌砂盤，食完罐罐，阿姐同佢梳毛，阿姐話佢鍾意梳毛

佢食咗半罐罐頭就唔食，阿姐再添啲乾糧畀佢，佢又即刻食咗好多

佢一食飽就再唔睬人，見佢又再次去砂盤小便，我又再摌乾淨至走

搵番我哋另一半，就同阿姐say goodbye，要趕番屋企餵天師仔，好驚餓親佢