Bubble四週年

 尋日係WhatsApp Chat，我姑仔話係Bubble 仔入室第四年

話棵貓樹窿係剪指甲屋

佢好乖成日陪住婆婆

阿Pat 好多謝我姑仔肯收養Bubble，雖然依家Bubble 已經唔記得咗阿Pat

點解仔仔爸話佢哋無啖好食，因為我姑仔家唔係好似我家咁，放長乾糧，佢哋每日派乾、濕糧，有時佢哋見人行過，就會係糧兜前想扭嘢食，有時佢哋覺得可憐，就會派十粒、八粒乾糧咁囉

或都係去偷嘢食， 哈哈

 

懶師奶食啲咩﹖

我唔鍾意煮嘢食，以前有奶奶、仔仔爸煮，依家我無做嘢，迫住要學煮飯，就算我煮飯，都係會煮啲快熟嘅嘢，最多都係灼、煎、炒、滾、蒸，啲要炆、要燉、煲老火湯嗰啲，就唔好預我會整，哈哈，所以平時我嘅早餐，係間中煮個麵，就只會食啲唔駛點煮嘅嘢

到咗星期日，仔仔爸就負責整早餐同Lunch，咁佢會開爐煮嘢食，我連煎隻蛋都懶，想食腿蛋治、早晨全餐，要仔仔爸整至有得食

某朝，仔仔爸整咗個雲吞麵做早餐

但有時我會出去買早餐、午餐食，唐人街有好幾間麵包舖，除咗賣麵包咖啡之外，都會賣其他炒粉麵類嘅熱食

連春卷、蔥油餅都有得賣

比個發現到另一間麵包舖有中式糖水賣，雖然只有三款味道，但可以比我止到糖水癮呢

連Minnie 都嚟食我碗薏米紅豆糖水呢

某日仔仔爸係蒸包店買咗呢個芝麻糕，第一次買覺得幾好味，但買第二、三次就覺得差咗

某日比我係一間小型唐人超市見到佢，平時只係Flushing 大型唐人超市見過，但怕溶所以唔敢買，所以係呢度見到要即刻買返屋企，真係好久遺嘅味道，連Charco 仔、Marble 仔都忍唔住要食，哈哈

好早排見Blog 友自製豬肉乾，搞到我都好想食，但唐人街幾間肉乾店都仲未開，直到近排至見有開返，就買少少為食吓

比隻為食Mango 仔嗅到，係咁追住我想食

有時候，突然好想食某一樣嘢，今次好想食三文魚刺身，我特登行去St. Mark 嗰間日本超市度買嚟食做Lunch

講完食，又等我講吓其他嘢，上個月某日，突然落冰苞

發現隔離嗰座間洗衣舖養咗隻貓，又靚又cute，依家每次行過都裝吓佢有無出嚟

真係好耐無見呢隻藥房貓Batman，每次行過都唔見佢，希望佢多啲出嚟望街，咁又可以多啲見到佢

 

姑仔家的貓樹

尋日睇番FB 回顧Post，原來我家棵貓樹買咗一年，之前我姑仔見我買咗貓樹，佢都心思思想買，終於佢係聖誕節前買咗一棵，好彩佢四隻貓都鍾意

Nicole 仔同Bobby 仔第一時間就幫襯

見佢棵樹貓有個貓兜，我問姑仔有無貓幫襯，初時佢話無貓用，直至過咗一排至見Bubble 仔幫襯，姑仔話呢個兜只有Bubble 仔至塞得落，哈哈

見到Bobby 仔要帶大圍巾，姑仔話嗰陣Bobby 仔成日舔大髀，舔到損咗，幫佢搽藥膏，怕佢舔，所以要帶頭罩，好慘慘豬呢

棵貓樹同樣有三個“山頭”，同我家一樣成日有貓填滿

見Nicole 仔咁鍾意棵貓樹個樹窿，反而我家棵貓樹樹窿，只有Chewy、Minnie 間中會入去匿一陣

原來Chewy 係度high 緊貓草，high 到差啲碌落地

呢幾位係稀客呢