我唔鍾意煮嘢食,以前有奶奶、仔仔爸煮,依家我無做嘢,迫住要學煮飯,就算我煮飯,都係會煮啲快熟嘅嘢,最多都係灼、煎、炒、滾、蒸,啲要炆、要燉、煲老火湯嗰啲,就唔好預我會整,哈哈,所以平時我嘅早餐,係間中煮個麵,就只會食啲唔駛點煮嘅嘢
到咗星期日,仔仔爸就負責整早餐同Lunch,咁佢會開爐煮嘢食,我連煎隻蛋都懶,想食腿蛋治、早晨全餐,要仔仔爸整至有得食
某朝,仔仔爸整咗個雲吞麵做早餐
但有時我會出去買早餐、午餐食,唐人街有好幾間麵包舖,除咗賣麵包咖啡之外,都會賣其他炒粉麵類嘅熱食
連春卷、蔥油餅都有得賣
比個發現到另一間麵包舖有中式糖水賣,雖然只有三款味道,但可以比我止到糖水癮呢
連Minnie 都嚟食我碗薏米紅豆糖水呢
某日仔仔爸係蒸包店買咗呢個芝麻糕,第一次買覺得幾好味,但買第二、三次就覺得差咗
某日比我係一間小型唐人超市見到佢,平時只係Flushing 大型唐人超市見過,但怕溶所以唔敢買,所以係呢度見到要即刻買返屋企,真係好久遺嘅味道,連Charco 仔、Marble 仔都忍唔住要食,哈哈
做人
回覆刪除簡單開心就夠
千其唔好煩
可能我個人比較性急,最緊要快,所以盡量唔做麻煩複習既嘢
刪除小心這個雪糕有朱古力,唔好比貓食呀!!
回覆刪除我唔會比佢哋舔啲朱古力
刪除嘩,都好多美食食到呀,熱天真係唔多想在廚房整嘢食囉!😉
回覆刪除天熱真係唔想住,其實我成日都去買熟餸,又可以煮少一味,哈哈
刪除我算好彩,住近唐人街,買唐人嘢食方便好多,而且我對西餐麻麻
各有所好嘛, 唔係人人都鐘意煮, 正如當年讀書我要學 needlework, 真係學到想C
回覆刪除妳依家除咗煮嘢食,仲要整麵包、甜品,妳仲勁呢
刪除煮煮吓就會好叻架喇!
回覆刪除我都係學我個friend話齋,只要熟就得,哈哈
刪除唔似得妳又有心思整好嘢比車爸爸,車爸爸真係好幸福
我都係無耐性慢慢煮,越快又得食又越少程序就越好!
回覆刪除有芝麻糕食,正呀!
有啲人會越煮越有興趣,我諗我同妳都係同一種人,學我個friend話齋,只要熟就得,哈哈
刪除你哋買到食咁方便,比著我都會懶煮啦。 條雪糕10.99USD 一件? 好貴喎,係咪因為係日本製造? 英國製造的只係港幣 $10
回覆刪除就算我買嘢唔方便,我都唔會煮啲複雜既餸,不過因為方便既關係,我更加可以成日買熟餸,我又可以煮少樣,我真係懶得就懶,哈哈
刪除作者已經移除這則留言。
回覆刪除我都係魔鬼廚神,比較喜歡蒸烚同外賣^^
刪除我有朋友佢怕油彈,所以佢煮嘢都同妳一樣多數都係蒸烚
刪除