我愛餵松鼠

每朝我會先去停車塲warm up部車，等仔仔爸o黎先車我返工

行去停車塲途中，都會遇到松鼠仔

呢隻見佢係度摷垃圾筒，個鼻黐咗啲疑似忌廉o既嘢，好得意

當我“撻”著部車之後，就會週圍去搵松鼠仔，我袋定啲無殼杏仁請松鼠仔食

呢隻條尾特別短，唔知係先天定後天做成，我叫佢做“短尾”

佢跑起上o黎，似隻兔仔呢

有啲仲為食到唔怕我，敢跳上我大髀度攞食

 

落雪都會見到松鼠仔出沒

啲松鼠仔確實又係幾得意可愛

松鼠BB & 餵松鼠

我家樓下好多松鼠的，查實有樹木o既地方，都會發現有松鼠出沒

呢啲係松鼠BB o黎o架

我個袋成日都會袋定啲杏仁，一見到松鼠都會叫佢哋o黎攞嘢食

有時我會引佢哋爬上我隻腳度至俾佢哋食，不過餵佢哋要好小心，佢哋有時會咬到或太候擒會抓到我的

松鼠

發覺好多卜友都對啲松鼠好有興趣，有一位仲叫我影多啲相post出o黎添，咁我就徇眾要求，出松鼠相喇

呢個係松鼠竇

有松鼠BB

呢幾張都係松鼠BB

呢隻已經大隻咗啲

呢隻就係呢啲松鼠BB o既媽咪，點解我會認到佢，因為佢左耳崩咗，仲有佢係有兔唇o既

o黎聽吓松鼠o既叫聲，要開大喇叭呀

仲有幾條片

希望妳哋鍾意

餵松鼠

我屋企周圍都有好多松鼠，我個袋成日都放定啲無縠o既杏仁係度，隨時都可以請佢哋食

仔仔爸未轉依家呢份工前，佢每朝都車我返工，每朝我會先去停車塲warm up部車，等仔仔爸o黎開車，咁係我等仔仔爸呢段時間，就係我餵松鼠o既時間，有時同一時間會有好多隻出現o黎攞嘢食，有啲攞咗未必會即刻食，佢哋會搵地方收埋，當佢收埋之後，見我仲未走，佢哋會不停番轉頭問我攞

呢隻我叫佢做「小黑」，佢都唔算好怕人，又可能佢比較為食，佢夠胆跳上我身上攞嘢食

我每次比半粒佢，佢都會好以依家咁留係我隻手度食仲比我摸佢，其實佢見得半粒會好快食完，佢費事騰來騰去，呢隻小黑都好鬼懶，其他人見到，都覺得隻松鼠好似我自己養咁，不過小黑係前年五月中見過之後已經失咗跡，可能己經比車....

啲松鼠會叼啲厠紙返個竇度，等個竇暖啲

呢啲係松鼠bb，你哋睇唔睇到有幾多隻﹖

原本我有段片可以睇到我摸「小黑」，不過我驚你哋睇完我個樣會食唔落年糕、蘿蔔糕、油角....嘥晒啲嘢就唔好啦