Last Two Day

仲有兩日就要返紐約了，今日姨甥女、細妹繼續休息，所以我又唔駛湊阿B，我瞓醒就自己去食早餐，再返上樓，見到鄰居嗰兩隻靚貓，佢哋係聽到有聲至走出o黎八

今次呢隻細膽貓大膽咗喎

襯最後一日去行吓荃灣買啲嘢

某日行出去荃灣時，路經一條後巷，遇見兩隻應該係食肆嘅貓，好親人，又鍾意食我比嘅零食

但之後再行過，都無再遇到佢哋，有時係荃灣，都會遇到其他舖頭嘅貓

之前姨甥女比咗張麥記Coupon 我，聽日就到期，唔想嘥咗佢，所以特登去麥記用咗佢，我覺得唔好飲，早知轉飲榛子咖啡啦

跟住走去剪頭髮，臨返屋企前，去麵舖食多一次雲吞麵

之前二姐夫話多謝我特登返o黎同佢老婆做生日，話一定要請我食餐飯，所以就約咗臨走前呢一晚係荃灣稻香食，仲叫埋大家姐，二哥二嫂

食完餐飯，大家都依依不捨咁走

最後一日，三家姐特登推Job 唔開工，送我機，朝早先同三家姐，姨甥女落茶餐廳食個最後的香港早餐

之後姨甥女就去返工， 返上樓等夠鐘出門，同埋細妹一齊搭的士去機場，因為突然話美國安驗問題，要再比平時早一個鐘去機場，其實只係Check-in 時要比人問多啲問題，所以咁早搞掂Check-in，就去飲過茶食啲嘢先

阿Pat 佢自己去買完嘢，見有時間特登趕入o黎機場送我機，見阿Pat 仲未食嘢，我哋叫定個炒米粉一齊食

要入閘了，入咗閘見仲有時間，行過去影吓相先，因為我係喺另一個區度登機

臨上機前又要再過一次安驗

係飛機度，有呢隻名牌雪糕食呢，記得飛返香港時，只有haagen-dazs 雪條

當要離開大窩口時，都有少少唔捨得

雖然要湊住阿B，但襯阿B 瞓咗覺，係屋企摷吓姨甥仔啲書o黎睇，呢個係其中一本，“黃阿瑪”我一直都有睇開佢個Facebook 

去韓國前有另一位貓友想約我見面，但最後因為大家都夾唔到時間而見唔到面，但佢寄咗個佢自己所畫嘅貓畫，再印成坐枱年曆，攞o黎義賣做善事

　

仲有鄰居貓，呢隻上次返香港時已經有的，不過唔係成日都見到

終於都完成呢個香港之旅嘅報導，都唔知會幾時至再返香港，或者下次返香港未必再住係大窩口，(怕咗湊B，哈哈)，點都好，期待下次返香港，見見我親愛的屋企人

燒鰻魚

阿Pat 同阿芬平時都唔會瞓得晏，就算去旅行都係咁，其實佢哋之前一日嗰朝，都早起身出去食早餐，再行咗一陣至返o黎叫醒我哋，呢一朝我都唔懶床起身同佢哋一齊出去食早餐

尋日朝佢哋o黎咗呢間食熱狗飲咖啡，話啲熱狗好好食，所以呢朝話要o黎返兜

點知去度唔知係休息定係未開門，無計，見附近啲嘢都唔啱食，就過咗對面麥記食早餐，點知原來麥記啲咖啡同啲包都超難食，之後去附近行吓，佢哋話要再買面膜同電話殼

行完番轉到，行過間熱狗店終於都開咗門，唯有買幾隻外買返去比佢哋食，我雖然食咗早餐，我都食咗半隻，真係幾好味

等佢哋食完嘢，換好衫，出發去食燒鰻魚，都係喺弘大附近，問清楚民宿啲人點行就出發

睇住啲劏開咗嘅鰻魚仲識郁都幾殘忍

 

係門口執到好大塊嘅楓葉比阿B 玩

 食飽就週圍行吓，見到呢間食肆啲嘢都幾正喎，可惜已經都無時間可以試吓

又遇到貓

 

韓國街頭真係好多銀杏樹，啱啱就係呢棵銀杏樹後嗰間樓高幾層零食店，掃咗啲零食，款式又多，價錢又平

返到民宿，攞番啲行李就要出發去機塲，原本打算都係坐機鐵，民宿主人叫我哋不如坐機塲巴士，價錢比多少少，但會快好多，所以我哋即刻去7 仔增值足夠搭巴士嘅錢，就去等巴士

係呢個巴士站上車後，只過多一個站就直轉上Highway 就直達機塲，又有司機幫忙放好行李，真係舒服好多，真係比多少少錢都係抵的

因為又無塞車，我哋早咗好多到機塲，入埋閘，阿芬同阿Pat  繼續係免稅店狂掃護膚品，佢哋買到平嘢，鬼屎咁開心，等上機前又醫吓肚先

要上機了，大人同阿B 的飛機餐

返到香港機塲，同阿芬阿Pat say good bye，要等我下次返香港至再一齊去旅行了