阿姐的街坊貓

某日阿姐send 相比我，話請街坊貓食零食

阿姐話當日阿姐男友仔係門前打理花草，阿姐見到對面有隻虎紋貓，當時阿姐呼喚佢，但唔睬，最後阿姐入屋攞零食出嚟 ，一搖吓個零食袋，隻貓就走過嚟

 又係為食貓一隻

之後又走去男友仔度八卦

真係好可愛呢


 

嘆“高茶”

尋日因為要去表姐屋企開Party，所以阿姐星期五一放工就自己揸車返嚟

 今次Chewy 見到佢阿娘已經無匿埋，不過佢係走廊時，都係唔比摸，但一上床就肯比佢阿娘摸了，真係開心屎佢阿娘，阿姐仲同佢梳毛，梳到冧晒

食完飯阿姐霸住我部電視要追佢睇緊嗰套TVB劇，Marble仔主動陪阿姐睇電視

第二朝起身，一齊去我鍾意食嗰間茶餐廳仔食早餐，之後仔仔爸就去買餸，我同阿姐就返屋企hea

上個月母親節時，阿姐諗住同我嘆個高貴High Tea，點知無定位無得食，阿姐一早上網買咗呢個High Tea set嘅優惠，兩個set 只需要比 $99 (原價要$69 一set)，因為食唔到，張e-coupon 8月份就到期，阿姐諗住橫掂都返嚟，所以想星期六同我去食咗佢，咁今次梗係先訂定位先啦

但呢日見有幾張空枱都無放reservation

見到個果jam 嗎，係新鮮果jam嚟 ，連我唔係太鍾意食果jam 的，都覺得非常好食

嘆咗個幾鐘，就同阿姐搭subway 去行街街，一行出酒店外，就係著名“中央公園”其中一個入口，呢個入口近住中央公園動物園，呢日咁好天一定好多人去行公園

行完街返到屋企，Chewy 肯主動上床比佢阿娘摸摸

今次阿姐想摷番條靚裙出嚟，因為遲啲要出席男仔友親戚嘅婚禮，奇哥仔又乘機走入衣櫃搞搞震

到咗星期日，等仔仔爸買齊嘢食，就出發去表姐屋企，今次我坐阿姐部車，男友仔佢都會自己揸車去

今次出席人數比較少，所以今次無預太多食物

大表姐好豪，叫咗部雪糕車停門口，叫大家任食，佢埋單，真係開心屎啲小朋友，啲小朋友仲可以走上雪糕車裡面

每年呢個月份，大表姐一定會開Party，除咗開放遊泳池外，又係慶祝埋啲小朋友生日

其實都係有個籍口，可以一家人聚吓唧，下個月又會再開多次Party，不過唔知到時阿姐得唔得閒去呢

有貓B

前日係美國國慶公眾假期，我都係喺屋企度hea，hea 到中午，仔仔爸個WeChat Family Group，佢個姨甥仔 send 咗兩張相嚟 ，話佢屋企個後yard 發現四隻貓B

嘩，我哋呢幾個愛貓Family 即刻大為緊張，啲貓仔真係好可愛

仔仔爸個姨甥仔，講明佢唔會養啲貓，佢只鍾意養狗，而我大姑奶都唔會養，我哋就幫手諗吓有無人要啲貓仔，我問過我個舊同事，佢一直好想養貓，但媽咪唔比，但最後佢想要兩隻貓B，話可以養係佢男朋友屋企，而阿姐又話想養一隻，我姑仔話佢又要，不過佢應該唔係自己養，我諗係佢公司啲同事想養

但貓B 仲需要貓媽媽餵奶，又唔可以帶走佢哋，所以阿姨甥仔，將貓B放係後yard 個籠度，等貓媽媽嚟餵佢哋，仲諗住買啲貓糧餵貓媽，等貓媽有充足奶水餵貓B，諗住等佢哋大啲再帶走

不過尋日收到nephew 嘅消息，話啲貓B，已經比貓媽媽叼走晒了，其實我都估到會係咁囉，當貓媽媽知道比人發現咗，就會帶走貓B

我只係覺得好慘慘囉，街上又會多幾隻流浪貓，貓媽又會繼續不停咁生貓B，唉

心野了

Macy & Mittens 話晒以前係流浪貓，依家入咗屋，都仲好憧憬外面嘅世界

 天氣一回暖，佢哋最愛出去門邊曬太陽，睇風景

睇吓Mittens 幾百厭

再加上有時又會有朋友仔嚟探佢哋，呢隻係對面屋其中一隻貓叫Toby

所以佢哋更加想出去蒲，上次House Warming之前，阿姐已經比Mittens 出去放風，但阿姐又驚走貓，所以買定貓胸帶、貓帶比佢

過咗party 之後，阿姐話Macy 成日要出去

 見佢哋心野了，阿姐又買多條貓胸帶比Macy，但好快就比佢K.O.咗😆😆

阿姐話唯有睇實佢哋

連佢哋收工返到屋企，都想出去玩

阿姐尋日話Mittens 其實好乖，唔帶貓胸帶出去都可以，但依家只可以每次一貓，輪流出去，都仲係要昅到實

 依家佢哋出慣咗，真係唔出去會唔舒服