2016年11月30日 星期三

煲呔貓

上次出“阿姐回巢”呢篇Blog時,有貓友話︰「阿姐回來住,你家四寶要準備被阿姐玩啦」,佢真係講得好啱,哈哈

有一次阿姐去波士頓玩時,買咗兩個煲呔返o黎,要玩貓地呢


另一個係黑色,先搵奇哥仔試帶,帶黑色煲呔,變咗侍應




都係格仔煲呔帶得好睇




成個富二代咁,好靚仔

到天師仔,黑貓當然唔會帶黑色煲呔啦,帶咗好唔鍾意呢






輪到Marble仔,唔鍾意,都好屎面吓,咁各位覺得佢帶格仔好睇,定黑色好睇﹖










最後到Charco仔,不嬲Charco仔就最易搞,只要有嘢食引佢就得了





咁乖,最後梗係要魚扒奬勵啦









2016年11月26日 星期六

Shadow 再見

至從娟姐2014年由呢個屋村搬咗去另一區後,我都無再見過我契仔Shadow仔,舊年12月時,娟姐已經話我知,Shadow 仔口腔有個黑色素瘤,醫生話都無得醫,只有一直服食止痛藥同類固醇

之前我送過啲魚扒比娟姐,佢話Shadow 好鍾意食,因為口腔痛,佢都唔太想食嘢,只有用魚扒溝罐罐至肯食,所以見啲魚扒差唔多食晒,我就call 姨甥幫我上網訂,快遞寄o黎比我

每次比魚扒娟姐,至知道Shadow o既情況,直至呢個月娟姐至同我講,Shadow 仔上個月已經去咗彩虹橋

Shadow 仔都算好叻仔,呢個病佢都捱個10 個月,我真係好唔捨得佢😢




如果當年唔係我奶奶強烈反對,佢已經係我個仔,我同佢o既緣份都係得咁淺




2016年11月22日 星期二

爛玩奇奇 (下)

再睇吓奇哥仔鍾意玩啲咩

飲管都玩得一餐,仲同天師仔一齊玩,次次天師仔都唔夠奇哥仔快,比奇哥仔搶咗先




玩吓Da Bird






玩Laser Point
  


奇哥仔真係精力充沛



2016年11月19日 星期六

爛玩奇奇 (上)

Charco仔同天師仔,年紀開始大,有玩具都唔願玩,連天師仔愛玩Da Bird,佢依家都唔多玩了,至於Marble仔就因為太肥,佢都唔願郁,哈哈

奇哥仔年紀最細,所以係屋企最活躍就係佢

之前奇奇見到天師仔攤咗係走廊張床褥頂,非常好奇


後來我抱咗佢上去,之後就識自己走上去hea





我仲週不時同佢係度同佢玩








2016年11月15日 星期二

阿姐回巢

上個月中,阿姐已經辭咗康州份工,因為時間又長,工作好忙,忙到連食飯都無咩時間食,阿姐瘦咗成十磅呢,我呢個阿娘聽到都好肉赤,(如果嗰十磅減係我度,我就開心屎喇,哈哈)

而且阿姐都開始同男友仔相處發生問題,終於上個星期阿姐就飛咗男友仔搬番屋企


阿姐搬番o黎,最開心當然係我啦,咁啲貓地都開心o既






朝早班貓地食飽早餐,兩隻黑兄弟走上阿姐床陪阿姐,順便補補眠


又或者貓地一食飽,就走晒入阿姐房搵位瞓



阿姐之前去街,見到呢枝貓型紅酒,買o黎送比我


上個星期六,我姑仔幫阿Pat 做生日,會上o黎我屋企煮海鮮餐

所以我姑仔對仔女就好早出咗o黎唐人街,佢哋話去St. Mark 度食雪糕,話有隻新甜品,叫埋我去試吓,所以我一收工,就去join 佢哋

就係試呢隻“Dragon's Breath”





都幾新奇得意,之後佢哋又去另一間舖度買雪糕食




隻匙遇凍就會變紫色


 我哋食飽雪糕就返屋企等食海鮮餐


食完飯,我同阿姐就匿番入房煲劇,因為我哋都唔係好識招呼客人,呢晚又唔駛我洗碗

Marble仔又o黎黐到實


Marble仔搵人摸摸,肯坐上我大髀呢,阿姐好妒忌


Marble仔係都唔肯坐上阿姐大髀,但都乖乖啦


星期日阿姐楂車去Outlet 齊齊Shopping,兩母女,足足行咗6 個鐘


之後去St. Mark 食日本嘢,因為啱啱睇完杜如風嗰套“關西攻略”,搞到好想食手卷

叫咗三款手卷,一個Set Dinner




食完返到屋企都成十點幾

尋日我放工返到屋企,阿姐又話張Starbucks buy one get one free coupon到期,又孖住出去行吓


阿姐依家一邊試吓搵嘢做,如果搵唔到就疊埋心水讀碩士,不過都要出年至有得讀,咁就要搵份Part-time 做住先,不過都係啱啱返o黎,等佢抖吓先啦