姑仔家四隻貓，除咗Bubble 之外，Nicole、Bobby、Angie 都係我姑爺仔返工時遇到嘅貓，再帶番屋企
Nicole 仔係第一隻，當時佢寄居係一個婆婆屋企門口
帶咗佢返屋企享福，所以姑爺仔叫佢做少爺仔
Nicole 仔好黐我姑爺仔，所以我姑爺仔最錫就係佢
姑爺仔話比呢位20 磅重嘅少爺仔紥住係一種幸福喎
依家冬天，諗起街外仲有好多流浪貓要捱冷，好彩我姑爺仔肯帶佢返屋企，以後高床暖枕
永遠做個肥肥白白嘅幸福少爺仔
2021年1月26日 星期二
又要睇醫生
繼上年10 月天師仔因為打乞痴加抽血驗查要睇醫生，嗰次打咗消炎針，好番啲，但唔夠一個月又再打乞痴，又再次去睇醫生，嗰次比番佢舊年時食開嗰隻消炎藥佢食，食咗好番一陣，佢又嚟過，怕佢冷親，屋企已經盡量唔開窗，再加上屋企啲暖氣有時又唔係好夠，但佢又鍾意成日係厠所度瞓
唯有比衫仔佢著，佢唔鍾意呢，發脾氣走入沙盤
又係成鼻都係算水，又鼻塞塞咁，見佢瞓覺都要擘大口抖氣同有鼻鼾聲
後來仲見佢啲鼻涕有紅色，真係比佢嚇死
見到咁即刻call 阿姐約時間同佢睇醫生，阿姐仲特登返嚟同佢去睇醫生
前日阿姐返嚟一入屋，奇哥仔已經勁黐阿姐，阿姐坐低，佢係咁“縲”住阿姐
阿姐話想打邊爐，Marble 仔陪住打邊爐
阿姐食飽，奇哥又去黐實阿姐
我哋打邊爐食好嘢，我都開肉汁汁比貓地食
以前天師仔唔食呢啲肉汁，但呢次佢唔舒服，佢平時鍾意食雞肉佢都唔食，只愛舔雞汁、食肉泥，所以試吓比肉汁佢食，佢又肯食
我哋打緊邊爐嗰陣，見Mango 仔已經霸住阿姐個枕頭
阿姐個枕頭一定係好舒服
阿姐要瞓喇，都唔讓番出嚟，唯有同佢share 個枕頭啦
半夜點幾鐘時
朝早阿姐起身，Minnie 走去阿姐度八
夠鐘出發帶天師仔去睇醫生
睇完醫生，我帶天師仔返屋企，阿姐就去唐人超市買壽司返嚟一齊食，睇Mango 仔個為食樣，哈哈
輪到天師仔去黐阿姐個枕頭
今次醫生開過另一隻藥比佢，兼等埋個抽血報告，因為佢仲調教緊佢隻甲亢藥嘅份量，佢仲要食多一隻Supplement，如果佢仲係咁多鼻涕，仲要用鹽水同佢洗鼻，希望呢啲藥物可以令佢完全好番啦，見佢病真係好心痛
訂閱：
文章 (Atom)