等食、扭嘢食

平時一開始整貓地早、晚罐頭餐，一定有貓係度等、係度昅住晒

等食貓中，頭號貓一定係Marble 仔

未派到比佢，佢已經係度呱呱嘈

第二號等食貓係Mango 仔，Mango 仔未入門前，Marble 仔同Charco 仔一齊係廚房門口等食，Marble 仔會蝦Charco 仔，依家就輪到Mango 仔蝦蝦霸霸，見邊個係附近就蝦邊個

終於齊齊有得食

Marble 仔食完都仲未夠皮，繼續等

有時Minnie 同Chewy 啲罐頭食唔晒，我會分比其他貓食埋佢，為食Marble 仔一見我仲攞住碟Mum Mum，驚屎我唔比佢食就大聲嘈

其實七貓平時係屋企唔會點叫，佢哋真係好靜，Marble 仔為咗食至會喵喵叫

貓地一食完濕糧，我會第一時間比新乾糧佢哋

 

好多年前，我二姑奶係街見人派呢隻貓乾糧Sample，佢攞咗好多包比我，而貓地都好鍾意食，見佢哋鍾意食，話係perfect weight，覺得幾健康咁，所以我keep 住買比貓地食，但呢個牌子比較貴，我只會當零食、或溝啲入乾糧度比佢哋食，我叫呢個乾糧做“粒粒”

 

尤其Mango 仔最鍾意食，當貓地食完晚餐無耐，就輪到我入廚房煮飯，Mango 仔一見我係廚房，就係度望住我，等我加“粒粒”比佢

 

到我哋食飽飯，做晒清潔工作，可以安心坐梳化睇電視嘅時候，又輪到Charco 仔嚟扭蝦米食，佢又係坐定定係我前面，佢唔會叫，佢驚我睇唔到佢，又唔理佢，佢會伸起舉手示意我

食完蝦米，都唔肯走，又要請佢食啲“粒粒”至得