阿姐個男友仔個室友仔入屋見到三貓好興奮，阿姐返咗入房，Marble仔就跟埋入房搵阿姐，之後個室友仔入房摸吓Marble仔，後來室友仔行返出廳，Marble仔就跟埋人哋出去
睇，話咁快Marble仔就黐住人哋，所以阿姐話Marble仔養唔熟，鬼咁易就跟咗人，哈哈
比人摸到冧晒
第二朝佢哋起身，阿姐話天師仔同Marble仔係佢床尾
後來男友人走入o黎房望吓阿姐，之後就行番出去，Marble仔即刻跟埋出去
阿姐起身發現佢係我張床度
嗰日下午，佢哋幾個就去咗Bronx Zoo 睇動物了，啲小動物好得意呀
嗰日我放工返到屋企，見天師仔瞓咗人哋張床
食完蒸雞肉後再去繼續瞓，瞓到好冧呢
當日佢哋食埋晚餐成11 點至返o黎瞓
Marble仔又走去黐住人，先走去嗲阿姐個男友仔
再去黐室友仔
阿姐一早講好，話星期日一齊去食Brunch
今朝得阿姐最遲起身，個儍老豆咁樣捉Marble仔去叫阿姐起身
出門口前，阿姐同室友仔齊齊請Charco仔同Marble仔食零食
我哋就去咗呢度食Brunch
其實呢間以前我哋o黎食過，就係記得食過咁多間呢間最好食，不過阿姐話轉咗手，無咗以前嗰款Brunch食
因為我哋晏咗出門口，所以當時雖然落緊雨，但都好多人等， 我哋都等咗半個鐘
餐廳對面啲塗鴉好靚
當時已經成點鐘，我哋揀咗餐牌裡面o既Breakfast、Brunch、仲有Lunch
呢個係我o既Lunch
呢幾個係Brunch 同 Breakfast
我覺得都係好好食呢
Brunch 包一杯嘢飲，阿姐叫咗杯Cappuccino 比我
食完嘢，佢哋話想去飲嘢，所以放低佢哋，我同仔仔爸就返屋企
返到屋企見到Marble仔係梳化頂，都好耐無見佢走去嗰度
佢哋就係為咗想飲呢杯嘢
之後佢哋又係唐人街行吓街，就返o黎執嘢走人，因為佢哋約咗人有嘢交收，所以無時間同我食埋晚餐至走
不過唔緊要，阿姐下個星期又會返o黎呢
