2018年7月9日 星期一

嘆“高茶”

尋日因為要去表姐屋企開Party,所以阿姐星期五一放工就自己車返

 今次Chewy 見到佢阿娘已經無匿埋,不過佢係走廊時,都係唔比摸,但一上床就肯比佢阿娘摸了,真係開心屎佢阿娘,阿姐仲同佢梳毛,梳到冧晒




食完飯阿姐霸住我部電視要追佢睇緊嗰套TVB劇,Marble仔主動陪阿姐睇電視


第二朝起身,一齊去我鍾意食嗰間茶餐廳仔食早餐,之後仔仔爸就去買餸,我同阿姐就返屋企hea



上個月母親節時,阿姐諗住同我嘆個高貴High Tea,點知無定位無得食,阿姐一早上網買咗呢個High Tea set優惠,兩個set 只需要比 $99 (原價要$69 一set),因為食唔到,張e-coupon 8月份就到期,阿姐諗住橫掂都返,所以想星期六同我去食咗佢,咁今次梗係先訂定位先啦




但呢日見有幾張空枱都無放reservation






見到個果jam 嗎,係新鮮果jam ,連我唔係太鍾意食果jam 的,都覺得非常好食


嘆咗個幾鐘,就同阿姐搭subway 去行街街,一行出酒店外,就係著名“中央公園”其中一個入口,呢個入口近住中央公園動物園,呢日咁好天一定好多人去行公園


行完街返到屋企,Chewy 肯主動上床比佢阿娘摸摸


今次阿姐想摷番條靚裙出,因為遲啲要出席男仔友親戚婚禮,奇哥仔又乘機走入衣櫃搞搞震




到咗星期日,等仔仔爸買齊嘢食,就出發去表姐屋企,今次我坐阿姐部車,男友仔佢都會自己車去

今次出席人數比較少,所以今次無預太多食物



大表姐好豪,叫咗部雪糕車停門口,叫大家任食,佢埋單,真係開心屎啲小朋友,啲小朋友仲可以走上雪糕車裡面



每年呢個月份,大表姐一定會開Party,除咗開放遊泳池外,又係慶祝埋啲小朋友生日



其實都係有個籍口,可以一家人聚吓唧,下個月又會再開多次Party,不過唔知到時阿姐得唔得閒去呢




2018年7月6日 星期五

有貓B

前日係美國國慶公眾假期,我都係喺屋企度hea,hea 到中午,仔仔爸個WeChat Family Group,佢個姨甥仔 send 咗兩張相 ,話佢屋企個後yard 發現四隻貓B



嘩,我哋呢幾個愛貓Family 即刻大為緊張,啲貓仔真係好可愛









仔仔爸個姨甥仔,講明佢唔會養啲貓,佢只鍾意養狗,而我大姑奶都唔會養,我哋就幫手諗吓有無人要啲貓仔,我問過我個舊同事,佢一直好想養貓,但媽咪唔比,但最後佢想要兩隻貓B,話可以養係佢男朋友屋企,而阿姐又話想養一隻,我姑仔話佢又要,不過佢應該唔係自己養,我諗係佢公司啲同事想養

但貓B 仲需要貓媽媽餵奶,又唔可以帶走佢哋,所以阿姨甥仔,將貓B放係後yard 個籠度,等貓媽媽餵佢哋,仲諗住買啲貓糧餵貓媽,等貓媽有充足奶水餵貓B,諗住等佢哋大啲再帶走

不過尋日收到nephew 消息,話啲貓B,已經比貓媽媽叼走晒了,其實我都估到會係咁囉,當貓媽媽知道比人發現咗,就會帶走貓B

我只係覺得好慘慘囉,街上又會多幾隻流浪貓,貓媽又會繼續不停咁生貓B,唉



2018年7月1日 星期日

心野了

Macy & Mittens 話晒以前係流浪貓,依家入咗屋,都仲好憧憬外面世界



 天氣一回暖,佢哋最愛出去門邊曬太陽,睇風景


睇吓Mittens 幾百厭





再加上有時又會有朋友仔探佢哋,呢隻係對面屋其中一隻貓叫Toby



所以佢哋更加想出去蒲,上次House Warming之前,阿姐已經比Mittens 出去放風,但阿姐又驚走貓,所以買定貓胸帶、貓帶比佢




過咗party 之後,阿姐話Macy 成日要出去



 見佢哋心野了,阿姐又買多條貓胸帶比Macy,但好快就比佢K.O.咗😆😆


阿姐話唯有睇實佢哋



連佢哋收工返到屋企,都想出去玩



阿姐尋日話Mittens 其實好乖,唔帶貓胸帶出去都可以,但依家只可以每次一貓,輪流出去,都仲係要昅到實


 依家佢哋出慣咗,真係唔出去會唔舒服