追住餵

近呢半年，班貓地開餐，好多時都食幾啖，或者食一半就走開，所以好多時都要攞住隻貓碟親自餵食，仔仔爸話好似啲阿爹阿嫲追住啲孫餵飯咁😄😄

有時奇哥，Chewy 直頭唔出嚟食，要就佢哋開餐

一係食咗一半就走咗去，唯有隔多陣，再去攞比佢哋食埋佢

奇哥仔平時愛舔汁多啲，所以有時見碟底仲有汁，都會攞去比佢舔埋佢，唔好嘥

最後佢哋食唔晒嗰啲，就益咗大食Marble 仔

今年母親節

平均每個月都可以見阿姐一次，但四月份阿姐都無返過嚟，所以我都成個幾月無見到阿姐了，咁母親節喎，阿姐一定要返嚟見吓我，同我慶祝母親節啦

星期五阿姐一收工就揸車返嚟，今次佢自己返，撇甩男友仔，咁啱呢日仔仔爸要送貨去波士頓，會好夜至返，所以我一放工就即刻返屋企餵四隻仔同孫女，我約咗阿姐去St.Mark 食日本嘢，咁啱阿姐個Best friend Tracy休假，阿姐見我都好耐無見過佢，而且舊年我返香港時都買咗啲手信比佢，所以阿姐約埋佢一齊食晚飯，一齊約係St. Mark 等

去到St. Mark 已經見到Tracy，其實我好鍾意Tracy，佢又乖又靚女，我都當佢係自己個女咁，當時阿姐仲未到，我同Tracy 就係街邊啲凳坐住等，Tracy佢送咗扎花比我呀

傾咗無耐，阿姐泊好車就到，近排我少食日本嘢，所以阿姐就我食日本嘢，就去呢間

難得無仔仔爸係度，又唔駛趕返屋企，雖然已經食到好飽，都轉去附近再食甜品，再傾多陣

Tracy 都係鍾意食榴槤之人，所以叫咗兩款有榴槤嘅甜品

返到屋企，都無貓理阿姐，Chewy 更加匿埋咗，到第二朝，Chewy都唔係好敢埋阿姐身

襯仔仔爸係床同Chewy 梳毛時，Chewy 肯比佢阿娘摸吓同梳毛

我哋食完早餐，Chewy 又想搵人玩

隻爛瞓Marble 仔，一邊陪人、一邊瞓覺

Chewy 真係好鍾意梳毛，阿姐又乖機摸摸佢

原本阿姐打算同我去做Spa，但我又M 到，所以去唔成，我提議去high tea，阿姐搵到間係高級酒店裡面有個high tea好正，同我去，我哋就搭subway 去

點知去到話無reservation 就無得食，但上網都無話明需要訂枱，咁無得食就算啦，咁阿姐又上網search 睇吓附近仲有無，咁比佢搵到間專買Macaron 舖頭有tea set 食

最上層嗰幾粒棉花糖超甜，中層嗰三粒Macaron 其中一粒檸檬味最好食，下層嗰件朱古力cake 好味，唔算太甜，其餘嗰啲就真係麻麻地

High 完tea，再搭subway 返St. Mark 附近行吓，再行返去St. Mark，因為約咗仔仔爸係St. Mark 食蕎麥麵，呢間嘢一直都想嚟試，因為仔仔爸鍾意食蕎麥麵

呢間其實就係之前嗰晚同阿姐Tracy 食飯嗰間嘅斜對面

真係試過就算，啲嘢真係唔算好食，覺得咁嘅價錢唔值囉

仔仔爸送我的母親節禮物係“一個希望” ，不過已經無希望了😞

今朝一齊去食粥

食完早餐我陪阿姐去買啲嘢就返屋企，一入屋奇哥仔就黐住我，咁我比奇哥仔黐吓阿姐

 後來Chewy 唔驚佢阿娘比摸摸了

今日又落雨，怕塞車，所以我陪阿姐去買埋中東飯盒就返康州了，臨走前要錫錫貓地

當我送完阿姐返上樓，見到Chewy 仍然瞓緊，直至啱啱奇哥仔上床搵我佢至醒

又要到下個月父親節至見到阿姐了