天師仔繼上次大步檻過之後，都差唔多四個月，諗番起嗰陣都仍有餘悸，又唔多肯食嘢，成日匿埋凳底發吽逗
後來肯食嘢之餘，仲好好胃口，不停叫食，有時佢瞓得好地地，但一見我入廚房，又走入嚟扭我畀嘢食
佢扭食得好緊要，食得又快，但乾糧又唔肯點食，有時我氹吓佢至比面食少少，所以佢一日可以食幾罐罐頭
除咗罐頭，怕佢食厭，都訂其他嘢畀佢食，見之後Stacy 同我姑仔買嗰啲湯包佢都鍾意食，所以我都會不停入貨
又怕佢食罐頭食厭，開始蒸番雞肉過佢食，但要撕碎啲，畀佢容易食，我仲要每次少少、少少咁添畀佢食
又係食得好快，一大碟得佢自己食晒
食咩都好緊張，仲“唉唉”叫要食
食到好滿足至肯去瞓
佢扭嘢時，無人理佢，佢就係廚房門口暈畀人睇，哈哈
佢額頭谷住啲血膿，有時會係個眼眶度流出嚟，搞到隻眼都變晒型，我見到都覺得好恐怖同好心痛
佢已經好少入房瞓
依家佢多數留係廳，佢除咗食同瞓，都少咗活動，間唔中佢會自己走上窗台
我依家就盡量陪住佢
Minnie 呢個衰妹成日搞大佬條尾
近排係Facebook 見惜日係Yahoo Blog 時所認識嘅貓，都陸陸續續去咗彩虹橋，所以我更加珍惜天師仔陪伴我嘅日子
畀Charco 仔搵到個新位置瞓覺
但好快又畀其他貓哋發現霸咗
Charco 仔畀奇哥仔成日霸咗個位，個樣都好不滿
Charco 仔係另一間房又發現咗個靚位
又係好快又畀奇哥仔霸咗
Charco 仔唯有又另覓另一個位置
執過啲位，等佢哋瞓得舒服啲
Charco 仔轉戰個架裡面
又畀Mango 仔搵到要去試瞓
門口個架呢層啲盒仔攞嚟放襪的， 已經長期畀貓地霸咗嚟瞓
Mango 仔瞓一個箱都唔夠，仲要瞓埋隔離嗰個
但呢個盒細啲，塞滿佢個肥身軀，哈哈
Chewy 近排就鍾意襪箱旁邊再細啲個盒，佢覺得好啱佢嬌小玲瓏嘅身型呢，嘻嘻
呢個入牆衣櫃裡面，一直係天師仔瞓開，所以係天師仔嘅房間，但佢已經好耐無入去瞓，佢依家長期留係個廳度瞓，依家就畀Minnie 霸咗，佢成日都會走入去瞓，初時佢好唔鍾意盒底啲墊，佢會抓開啲墊嚟瞓
某日我裝佢瞓覺，見到佢又瞓到反晒肚，好可愛
佢平時hea 係床褥頂，有時佢會咁樣瞓
呢個細盒仔頂位，只有Minnie 可以瞓，無貓會去爭
Minnie 又有新位置瞓，佢一行開， Mango 仔又去試瞓
貓地成日自己去搵地方瞓覺、匿埋
我都嘗試自制啲嘢畀貓地瞓，不過未必隻隻貓都會欣賞，我曾經將個滕籃用件T恤笠住做竇，只有奇哥仔試過去瞓
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
上個月收到圓丸媽寄嚟嘅禮物，係好得意嘅貓口罩同利是封
舊年時佢都有寄過口罩畀我，今次同舊年一樣，佢係喺聖誕前寄出，都係成兩個月我至收得到
