天師仔繼上次大步檻過之後,都差唔多四個月,諗番起嗰陣都仍有餘悸,又唔多肯食嘢,成日匿埋凳底發吽逗
後來肯食嘢之餘,仲好好胃口,不停叫食,有時佢瞓得好地地,但一見我入廚房,又走入嚟扭我畀嘢食
佢扭食得好緊要,食得又快,但乾糧又唔肯點食,有時我氹吓佢至比面食少少,所以佢一日可以食幾罐罐頭
除咗罐頭,怕佢食厭,都訂其他嘢畀佢食,見之後Stacy 同我姑仔買嗰啲湯包佢都鍾意食,所以我都會不停入貨
又怕佢食罐頭食厭,開始蒸番雞肉過佢食,但要撕碎啲,畀佢容易食,我仲要每次少少、少少咁添畀佢食
又係食得好快,一大碟得佢自己食晒
食咩都好緊張,仲“唉唉”叫要食
食到好滿足至肯去瞓
佢扭嘢時,無人理佢,佢就係廚房門口暈畀人睇,哈哈
佢額頭谷住啲血膿,有時會係個眼眶度流出嚟,搞到隻眼都變晒型,我見到都覺得好恐怖同好心痛
佢已經好少入房瞓
依家佢多數留係廳,佢除咗食同瞓,都少咗活動,間唔中佢會自己走上窗台
我依家就盡量陪住佢
Minnie 呢個衰妹成日搞大佬條尾
近排係Facebook 見惜日係Yahoo Blog 時所認識嘅貓,都陸陸續續去咗彩虹橋,所以我更加珍惜天師仔陪伴我嘅日子
盡量陪下佢, 佢都需要人錫同支持
回覆刪除好彩我無做嘢,可以成日係屋企陪住佢,我諗佢都唔想咁快離開我哋
刪除好心痛 😥
回覆刪除鍾意食又肯食一定滿足佢 😘
喺廚房扮暈好搞笑呀 😄
佢肯食就緊係好啦,雖然佢食得多,但唔吸收,都唔長肉
刪除瘦咗好多
回覆刪除俾冬蟲夏草佢食養身體
雖然佢食得多,但唔吸收,都唔長肉,佢已經要長期食亢甲藥,又有靈芝粉食
刪除天師仔肯食下野,時間都易過啲,而且有力氣,至可以陪伴阿娘!
回覆刪除佢肯食就緊係好啦,雖然佢食得多,但唔吸收,都唔長肉,我諗佢都唔想咁快離開我哋
刪除有番胃口都冇咁擔心。
回覆刪除但呢兩日又胃口差咗,唉
刪除妳同天師仔都要加油啊~
刪除希望天師仔繼續努力
刪除