熱愛籃

阿姐返新工前，有幾個星期去咗佢姑姐做嗰間公司度幫手做Part-time，公司開X'mas party時，玩交換禮物，換到一大張毛毛毡，裝毛毛毡個盒好大個的，就比貓地做貓床，貓地都算鍾意

過咗一個星期，姑姐又比咗個禮物籃阿姐帶番屋企話比貓地

之後又攞多個細o既返o黎，見多咗兩個藍，之前藍色盒又太大個，又“丫”地方，所以就收起佢

天師仔都係最愛長型嗰個籃

鍾意“疊”隻手仔去籃邊，瞓邊個方向都係咁，好搞笑

Charco仔都係

天師仔又肯Charco 仔share 個長籃

後來又攞多個返o黎，最左邊方型嗰個，不過見放咗幾日都無貓“So”佢，就收起費事丫掟

最後有無發覺，所有相中只有奇哥仔、天師仔同Charco仔，無Marble仔呢

Marble仔都係愛黐住梳化多啲

做咗外婆

早幾日前阿姐休息，佢當然要去男友仔屋企睇佢o既女神Chewy

阿姐早一日前已經帶定個貓籠去，想比佢習慣佢入貓籠，因為想帶佢去絶育，阿姐話第一日佢已經無驚個貓籠，敢走入去食嘢

第二日，阿姐突然打電話比我，話Chewy佢成隻貓走晒入個貓籠度，問我好唔好閂籠門帶佢返屋企，我就話︰咁仲唔嗱嗱淋

就係咁，阿姐忍唔住，瞞住個老豆帶咗佢返屋企

班仔o黎昅嘢

仔仔爸見到都無計，第一時間就招呼佢沖涼、吹毛、剪指甲

咪睇佢全程都好似好淡定，其實佢係驚到唔敢郁，見佢仲係成身震的

一帶佢入阿姐房，即刻搵掟匿

仲想搵路走

後來一直匿係床下底，仔仔爸見佢啲毛仲未乾透，就捉佢出o黎再吹乾

之後都係一直匿係床下底

無人至敢行出o黎食嘢，第三日至好啲啲，有人係度，都敢行出少少食嘢

但佢每晚又唔瞓覺，成晚喵喵叫

前日開始敢走出床底，跳上窗台，但一驚就即刻走番入床底

佢一定好掛住外面o既世界，同埋媽媽啦

睇佢咁驚青，我諗佢都要好多時間至適應到

而且阿姐話Chewy 係佢個女，所以我同仔仔爸就被迫做咗外公外婆了 😨