上個星期五晚,17 樓貓搬了,佢搬咗去五樓B座,改咗名叫Marble,係囡囡o黎
新家裡面,佢會有兩個 Brother 同佢玩,一位叫Charco,另一位叫天師
即係佢做咗我個女,哈哈
講吓我點帶佢返屋企先,佢唔肯入籠,最後都係抱佢返屋企
一入屋就同佢沖涼,都算乖,無咩點掙扎
之後帶咗佢入房抺身,天師仔乘機走入o黎昅女
順便同佢剪埋指甲,睇,佢剪指甲幾乖
睇吓佢啲肉粒幾靚,一睇就知佢未曾流過浪,之前一定有人養的
我見佢成日流口水,沖完涼仲同佢刷牙,發現佢隻門牙好鬆,第二朝發現已經剝落了
可能因為咁,佢前主人至唔要佢
依家佢可以高床軟枕,唔駛再擔驚受怕
佢仲係一隻好嗲o既貓o黎,我己經約咗同佢睇醫生,我都想佢同天師仔、Charco仔快啲friend 呢