無位瞓、無被冚

貓地成日霸咗貓奴張床o黎瞓，搞到貓奴都無位瞓

阿姐之前都成日話貓地霸咗佢張床

連枕頭都霸埋

奇哥仔︰我要霸晒

爹娘張大床都不能倖免

一係有位瞓，但就無被冚

當我進註阿姐床都係一樣

奇哥仔都算係咁，瞓入啲

我都仲有個床邊位瞓吓o既，但我都係冚唔到被囉

 每次見到咁o既情形，又唔捨得趕貓地走，唯有乖乖等貓地自動放棄比番個位我啦

嚇屎婆婆 & 貓草墊

某個星期日，一早開始Chewy 就開始嘔，嘔咗都有4、5次，開頭諗佢會唔會係吞咗啲咩落肚，所以成日嘔，如果係o既話，想睇吓佢會唔會疴番出o黎，所以一直觀測住佢，點知到咗下午，佢突然係地下疴血

我真係比佢嚇死，諗佢一定係吞咗啲尖o既嘢落肚，又刺穿啲腸至會疴血

咁就捉住佢，想同佢洗乾淨個pat pat，再帶佢去睇急症，當幫佢洗pat pat 時，係佢條尾度發現咗幾條已經死咗o既迴蟲

我估計佢朝早時，呢幾條死咗o既迴蟲，想排出體外，排到去佢肛門位置，Chewy 開始舔肛門，但又好臭，所以至會嘔，而當啲死迴蟲排到出o黎，佢就係地下度磨pat pat，所以地下至會有血水

洗好pat pat，再繼續觀測佢有無唔妥，但之後都無咩事，只係無咩胃口，可能嚇親再加上我哋又同佢洗pat pat

觀測咗成晚，佢都無再疴嘔，胃口又回復正常，我哋至鬆一口氣

之後即刻買杜蟲藥返o黎，五隻貓都要食

之前見佢個肚腩圓碌碌，以為佢咁快食到滿肚腸肥，因為佢又真係好鬼大食，原來係生蟲

不過杜完蟲之後發現，佢真係肥咗囉，睇佢依家個啤梨身形幾吸引

我想真係好彩佢唔係誤食咗嘢落肚，真係比佢嚇餐飽

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

見相機張Memory card 就o黎滿，所以想delete 啲相，通常我都成日會back up 啲相去個hard drive度，但delete 啲相時，我都會睇清楚啲相係咪已經back up咗至delete，好彩我睇一睇，我真係漏咗啲相無back up

就係呢啲Charco 同天師玩貓草墊o既相同片，係2014年時影的

就係呢張貓友送o既貓草墊

初時天師仔同Charco仔對張貓草墊都無咩反應

慢慢開始feel 到啲料

又無feel 了

但間中又high high 地

攞張墊入房，天師仔又攬住o黎墊

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

早幾日放咗工要去圖書館，經過酒舖門口，見到Mickey，即刻埋去抽抽水，再影張相send 比阿姐睇，因為上個星期日阿姐特登去搵佢，又唔見佢

尋日又係仔仔爸唔煮飯o既日子，佢唔買飯盒，同我去唐人街一間“丁屎”咁細間o既泰國餐廳度食泰國菜

通常去食泰國菜我都會叫Pad Thai，但呢個炒粿條又真係味道麻麻囉，其實係正佢隔離都有一間泰國餐廳，大間好多，菜式又多，仔仔爸話有機會去嗰間試試

爛玩

依家屋企最爛玩就係奇哥仔同Chewy，平時奇哥仔鍾意蝦啲大佬，搞到啲大佬都怕咗佢，但Chewy 呢個靚妹，又唔怕呢個奇舅父喎，成日玩埋一堆，仲成日打成一片

早前阿姐初初開始執嘢搬去康州，奇哥仔走咗入個紙盒度，阿姐叫男友仔成盒捧o黎我間房

 

個八妹Chewy 又o黎玩埋一份

Chewy 仲成日玩啲舅父條尾

 

Chewy仲會匿係梳化布底，同啲舅父玩

奇哥仔唔只爛玩仲好百厭，襯人打開櫃筒，就走入去

 

我成日都要同呢個爛玩Chewy 玩毛毛棒，玩到攰，要攤抖呢

搵條絲帶同佢玩，擺係個頭度又幾靚喎，哈哈

有朝早仔仔爸發現條Nemo 比貓丟咗入水兜，我諗一定係Chewy 做的，唔通佢怕Nemo 脫水，所以放佢入水兜，哈哈

其實有時天師仔都好貪玩，嗰陣阿姐做功課，就攞阿姐枝筆o黎玩

見貓地肯玩，活潑百厭，又幾開心嗰喎