阿姐掛住貓地

我諗阿姐一定好掛住Charco仔同天師仔呢

阿姐特登整咗隻印有Charco仔同天師仔o既相o既杯帶去宿舍用，咁就可以成日見到佢哋

仲買隻黑貓公仔，覺得有黑貓陪住佢呢

阿姐話佢臨搬入宿舍前幾日，同Charco仔講︰你俾我摸多啲啦，點知Charco仔真係好乖俾阿姐摸咗好耐，其實我覺得Charco仔越大越乖，依家都少 咗咬人，阿姐搬入宿舍嗰朝，天師仔好難得咁走上床叫阿姐起身呢，唔知貓地係咪真係feel到阿姐會長時間唔係屋企呢，不過呢個星期，我又唔覺得兩隻仔掛住 阿姐喎，可能佢哋只係掛住係心中，無表露出o黎呢

New Jersey — 賭城Atlantic City

其實呢篇卜應該係上個星期出的，不過我追緊“飛虎”，所以唔得閒出卜

再上個星期，我哋一家去咗New Jersey大西洋城賭塲兩日遊

大西洋城，出名係多賭塲

其實每年我哋都會去一次，因為用我奶奶賭塲account攞房唔駛錢

不過每年多數都係11月尾感恩節，或者聖誕節至去，今年阿姐話想入大學前去一次，因為佢記得賭塲外個Boardwalk，夏天時會有大型o既室外機動遊樂塲

賭塲依靠個海灘而建，所以沙灘與賭塲之間，就有一條長長o既Boardwalk

外圍o既沙灘，仲會見到好多大小o既海鷗出沒

我哋一邊沿住Boardwalk行去遊樂塲時，最驚喜係遇到貓

原來啲貓係住係個Boardwalk底的，每日都會有人去餵佢哋，照顧佢哋

裡面有好多貓屋o架，只係我影唔到唧

呢隻黑貓好搞笑，瞓到伸咗條脷出o黎，後來我慢慢行埋去輕輕手摸吓佢，佢都無縮番條脷入去

呢個就係室外遊樂塲

有好刺激o既機動遊戲

真係好刺激呢，我就唔敢玩喇

夜晚我哋再一次出Boardwalk行吓，行吓旁邊o既舖頭，食吓嘢咁

天上面郁郁吓嗰啲係嘜嘢，其實係啲海鷗係天上面飛來飛去

第二朝，食咗brunch，又再出去boardwalk行吓

又再次見到貓

行行吓，俾我發現之前伸脷嗰隻黑貓，走咗o黎上面，瞓咗係張凳底度

佢真係唔怕人，我摸住佢，佢都照瞓可也，佢今日無伸脷呢

佢啲毛都滑o架，佢好可愛呢

因為之前幾年都係冬天o黎，見凍都無點出呢個boardwalk行吓，所以一直都唔知原來呢度都有咁多貓地

之後我哋就攞車走了，都要成兩個鐘頭車，希望下次o黎會再見到呢班可愛o既貓貓