2018年6月17日 星期日

House Warming

阿姐男友仔舊年年尾買咗新屋入伙,因為當時天氣又凍,佢屋企內籠又細,都唔可以招呼太多人去佢屋企玩,所以當時想攪House Warming 都唔得

但見間屋有個大後yard,我就話等天氣回暖或者天熱時先至攪啦,因為下個月國慶節日會去阿姐大表姐度開party,所以我話不如呢個月攪啦

可能又撞正近父親節,所以大表姐,二表姐都無時間

一去到,就見到Mitten 係屋門口個空間度hea 緊,係正自己地頭,佢一啲都唔驚


Macy 都係度


之後Macy 又跟我哋入屋八卦


後來又想出去


Mitten 仲係外面,我行出後yard 裝佢



呢套戶外家俱,係男友仔特登為今次party 準備



前、後yard 仲種咗好多不同種類






仲有士多啤梨


仲有啲花苗


除咗參觀阿姐新屋,另外佢哋又要睇要試阿姐新買嗰架二手電動車


人齊就開爐BBQ



一邊食吓、一邊又搵貓貓玩吓









食咗一輪,我哋出去附近搵貓


唔知係咪天氣熱,行咗好耐至遇見呢對Twin,都好為食






食完我哋走了,其中一隻都仲要跟住我哋

之後又遇見呢兩隻,不過唔睬我哋


之後就再無發現


跟住就返去繼續食嘢、吹水同玩貓


阿姐放咗Macy 出後yard,佢都係第一次出去,我哋要跟到佢實,驚佢會捐窿捐罅走咗去





 男友仔開咗個爐比佢哋玩燒棉花糖


Macy 返番入屋


Macy出過去一次之後,又好鍾意出去,一見人開門就想出去,而Mitten 之前曾經自己走過出去,佢身手又比Macy 敏捷,所以唔敢比Mitten 出去

天開始黑了,天黑後個後yard 又有另一番氣氛


Macy 又要出去玩




見Mitten 見到Macy 可以出去玩,佢又好想出去,所以阿姐比佢出去,但就要帶上繩至得



都玩到成9 點幾,幫阿姐手清埋啲嘢至走

今次啲表姐、姑媽、大伯唔得閒,唯有搵過另一個月再約埋去阿姐屋企,再探兩粒孫啦


2018年6月10日 星期日

另一個貓刷

舊年時係facebook 啲廣告度,見到呢個手套型貓刷


之前係平時買貓砂貓糧間大型起市都有見過,賣$15 美金,但我返香港時係“執笠倉”見到都係賣$15,但就係港紙,咁我就買咗三個返

天師仔第一個試用,佢都好滿意







Chewy 初初見我戴住呢個手套都好驚,但佢試過之後又接受到喎




佢只係唔愛人梳佢肚肚,會發爛渣



Marble仔又係好鍾意



唔再幫佢梳,佢個樣好似話我知佢想再encorn,唔好比佢停



奇哥仔都ok




點解我會買三個,其中一個我買比我姑仔比Bubble & Nicole,不過我姑仔同姑爺仔話佢哋兩隻貓都麻麻地

另一個我買定比阿姐,嗰陣阿姐都話會領養貓,所以我買定比佢,Macy 都ok 嘅,阿姐仲send 咗啲片比我睇,Mittens不嬲都唔鍾意梳毛,所以佢唔會鍾意呢個貓刷手套





上次Macy & Mittens渡假,我都再有用呢個手套刷幫佢梳毛,其實佢都好鍾意