陪爹娘睇電視

其實就算我哋唔係睇緊電視，Charco仔有時都係咁鍾意伏係個電視cable上面

廚房攪攪震

我家Charco仔，因為為食，所以成日都會走入廚房度八

有人入廚房，又會走入去坐係度睇人攪嘜嘢\

仲周不時跳上雪櫃頂

走埋入啲廚櫃度八

廚房個窗台一直都放咗個香爐係度，某一日，呢隻儍貓，又唔知係度high嘜鬼，係個香爐度典來典去，就算攞走個香爐都係咁典，所以成頭成面都high滿晒啲香爐灰

佢最鍾意就係，係雪櫃頂跳過去抽油煙機，再走上去個廚櫃頂度八

我諗個廚櫃頂都幾乾淨，因為俾佢high乾淨晒

我諗睇以下呢幾張相之前，要先睇一睇之前o既呢一篇Blog先—另類high草

個衰仔仲係周不時會去摷包百花蛇草出o黎high

試過佢係度high緊，天師仔走埋去趕走Charco仔，之後霸住包百花蛇草

原來佢又high埋一份

再High貓草枕

已經隔咗一段時間了，所以摷番之前甘太寄俾我家貓地o既貓草枕出o黎，諗住俾天師仔玩，因為上次佢好鬼like呢

點知今次好like嗰個竟然係Charco仔

反而天師仔鍾意我袋住貓草枕個膠袋多啲呢

係咁黐住個膠袋

為咗呢個膠袋，連仔仔爸同佢梳毛，佢都唔鍾意呢

後來仔仔爸要就寢了，就想將佢連膠袋一起搬走，但一抱佢，佢就走貓了

仔仔爸將個膠袋放咗出廳張梳化度，連平時唔鍾意上梳化o既佢，對個膠袋不離不棄，一於跳上去墊住個膠袋至安樂

呢個星期又收到甘太寄o黎o既禮物，有廚房貓貼紙、兩條貓絲巾，一條係俾我、一條係俾阿姐，一罐貓罐頭、一張聖誕咭

有貓o黎搶鏡呢

咁搵一晚就開罐頭俾佢哋試吓

天師仔自從o黎咗呢個屋企，食咗蒸雞肉之後，就唔再食罐罐了，而Charco仔，佢就係好似各位睇到o既咁，佢只會舔吓啲汁，食兩啖就唔食，所以平時我唔會買罐罐俾佢哋食的

食唔晒嗰啲，我唯有拿拿冧換衫攞落街放低俾屋村啲流浪貓食，唔好嘥咗佢

係度再次多謝甘太，再次送給我同貓地o既禮物，連阿姐都受惠，所以甘太妳以後唔駛再送罐罐俾我家兩貓了