停電前
停電後
有無發覺對面嗰間大樓仲有電力，因為嗰楝係警察總部o黎，所以佢哋會有後備電，同埋啲警車發出o既燈光，所以係屋企都唔算太過黑
係屋企要佈滿爉燭，感覺都幾浪漫
第二日，已經無雨，但仲有啲風，仔仔爸落街睇吓，前面就係東河
屋企停車塲因為近東河邊，河水灌入成個停車塲，連車都沖起，所以會發現啲車移晒位
黑色圍欄係垃圾站，垃圾站內有兩隻敏姐餵開o既流浪貓妹妹同大弟，去度見到佢哋個竇已經唔見咗，可能已經凶多吉少
啲車全部撻唔著，好彩仔仔爸醒，無將架車泊係停車塲，情願去唐人街搵車位，最醒佢星期一已經入满電油，唔駛受無汽油之苦
星期三仲未有交通工具開放，屋企已經無電、無水，留係屋企都無咩用，所以我就跟仔仔爸車返工去
朝早返工，成個屋村漆黑一片
星期四、五開始有局部o既交通工具行駛，仲免費兩日，呢兩日我收工就搭巴士轉地鐵去我叔仔屋企沖涼，等仔仔爸收工o黎接我
有時攞定奶奶煮好o既飯餸返屋企食
因為無水o既關係，每晚我哋都要攞晒屋企o既瓶瓶樽樽落街攞水
屋村準備咗啲供水設施俾人去攞水
每晚我都做茶煲的女人，攞住個水煲去攞水
都好彩o既係我住五樓(其實都係行四層，因為地下叫做一樓)，每晚攞水都要走兩轉，唔係都幾係嘢
停電時，最興奮都係天師仔，佢好鍾意出走廊行，每次一開門就衝出去，係走廊度行來行去，都唔願返屋企
Charco仔就八吓就返屋企
停電呢幾晚都發生咗啲小意外，有貓因為八卦，俾爉燭啲火燒燶咗啲鬚
直至星期五晚9:43分至有番電力，其實中午時分，唐人街陸續開始有番電力，只係我哋屋村九點幾至有番電，仲有其他地方都仲未有電呢
今次呢個颶風係New Jersey登陸，睇新聞報導災情真係好慘重，記得之前我介紹過大西洋城賭塲外Broadwalk啲貓嗎
如果啲貓無人疏散o既話，佢哋一定已經俾海水捲走
睇報導話全球暖化，令到氣候變遷，未來每次o既颶風都會一次比一次強，所以希望每個人都要重視環保，唔好令地球病得越來越嚴重
唔好俾再多o既天災肆虐
沒有留言:
張貼留言