Cooler貓

尋晚仔仔爸去個舊同事度BBQ，佢就負責飲品，所以之前一晚，佢就搵番個cooler出o黎清潔吓

個衰仔見到有新嘢，當然唔執輸，要八吓、玩吓，見清潔好，就比佢跳入個cooler裡面，個cooler係有轆，我仲推住佢遊咗個走廊一個圈，佢又唔驚喎，好叻仔，當時仔仔爸開咗部相機，我以為佢拍咗Charco遊走廊o既片，原來佢都無turn on

跟住梗係又整蠱貓地啦

其實我哋o既原意係想Charco自己跳出o黎，所以我哋不斷係旁邊引佢，又用零食引佢出o黎，不過佢都唔跳出o黎，引到佢跳出o黎，可能個蓋重，佢都頂唔開，只頂開咗少少，攝住個蓋個盒就跌咗落地，個蓋仲“給”埋咗，可惜無影到片，好好笑

Charco仔食瓜瓜

由細到大，我家衰仔Charco都喜歡食生果，佢會食蘋果、白玉桃、提子、龍眼…，不過依家呢啲生果佢都唔係點食，但有一樣生果，佢到依家都仲係咁鍾意食，就係…

呢隻瓜係老番Supermarket叫Cantaloupe，我就叫佢做“巢皮瓜”，啲果肉同味道都同哈密瓜一樣，咁即係“老番哈密瓜”

睇，個衰仔好鍾意食，呢個瓜好鬼甜

 

雖然Charco仔好鍾意食，但佢好似我咁，食嘢好有節制，唔會摶命食
尋晚我食龍眼，啲龍眼又係好甜，佢剩係舔啲汁，比佢佢又唔食，有時會比粒龍眼放地下比佢玩

摸…摸…摸…

美國國慶煙花匯演

上星期六係美國國慶，每年紐約都會有煙花放，早幾年都係喺我屋企鄰近“East River”度放，每次行過去就有得睇，今年改咗去“Hudson River”度放，所以今年要搭地鐵去睇

原本想拍多啲，點知張memory card滿咗


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

原本呢篇卜，尋日出，都唔知個“雅虎”搞物鬼，都出唔到個卜，仲無埋，連續出兩次都咁，真係激鬼屎我喇