Charco仔、天師仔梳毛實錄

之前已經睇過Charco仔、天師仔剪甲，今次睇吓佢哋梳毛時係點

先o黎天師仔

再o黎Charco仔

各位都見啦，剪甲、梳毛最難搞都係Charco仔，仲不特只，次次剪完甲、梳完毛，又唔高興，小氣到屎，仲要咬番人o黎洩憤

其實想同佢梳毛定啲，都唔係無辨法o既

睇吓佢個樣幾無奈

成日要搵仔

以下兩張相，相中有兩貓，唔知您哋睇唔睇到﹖

養黑貓唔係錯，錯在我家有咁多黑色o既傢俱同物品，有時真係唔為意佢哋，想搵佢哋，“立”吓睇，真係睇佢哋唔到

Blog友的禮物

係11月份我曾經幫手轉載小貓威仔2010年座枱月曆慈善義賣，因為我身在外國，未能大力支持，只有出小小綿力，幫手轉載

但得Blog友Momofish除出錢支持義賣外，還恵及於我，送咗一個比我，還有靚靚寵物記事簿

聖誕前夕，我又收到灰灰豬自制靚靚坐枱月曆、年曆咭，仲有聖誕咭，係我2009年收到唯一一份聖誕禮物

早前我又收到襪襪媽自制精美、得意、可愛o既灰紅、襪襪揮春，真係見到都會好開心，好想笑

還有好玩o既毛毛老鼠棒

襪媽話襪襪勁鍾意玩呢支老鼠棒，睇我家兩隻仔仔都好八卦，好有興趣咁

但佢兩隻衰豬玩嘢都係得三分鍾意熱度，將老鼠棒fing o黎fing去，佢哋好似唔鍾意咁玩，反而拖住隻老鼠係地下，佢哋就追住o黎咬，或者放係地下度，自己攞o黎咬

最後我想講o既係，好多謝佢哋送比我o既禮物，我每樣都好鍾意，要每位付出昂貴o既郵費，令我好唔好意思，但係又覺得好窩心，因為大家都只係素未謀面，靠大家在網綕上互相認識，而能夠得到各位對我家仔仔o既眷愛，真係好感激

連仔仔爸都話︰妳啲Blog友咁好寄嘢比妳，又唔見妳送番啲嘢比人
但我真係諗唔到我可以回報啲物嘢比人，香港物都有，我只期待六月份返香港，能夠相約相聚，再當面多謝，兼請各位食飯、飲茶

真係好多謝、好高興能夠認識大家


虎年將至，我祝各位身體健康、想嗰樣得嗰樣（我諗連啲貓地都係咁諗）

大頭仔

仔仔爸成日都對住天師仔話︰點解你個頭大過Charco仔咁多o既

天師仔個頭又真係幾大o架，依家我家除咗有哨牙仔，仲有大頭仔添