Feast of San Gennaro

每年放完暑假開咗學無耐，就係意大利人慶祝San Gennaro Festival，因為唐人街有條小意大利街，我曾經都介紹過，每年呢個節日都會係呢度舉行，會封街擺Fare，為期兩個星期

小意大利街就係我公司附近，所以我有時食完Lunch、放工後我都會過去行吓

有機動遊戲同攤位遊戲比大人同小朋友玩

仲有好鬼多美食攤檔

旁邊啲意大利餐廳會乘機擴充啲坐位係出面做多啲生意

見到有好多檔賣意大利雪糕、意大利甜點

除咗玩同食之外，都有其他檔攤，賣唔同嘅嘢

可惜只開到呢個星期日，下個星期阿姐至返，唔係可以同阿姐去行吓，食吓啲意大利小食

上州之旅（下）

我哋行咗一陣行山徑就走人，因為要趕住去踩路軌單車，約咗6點鐘

係由一個荒癈嘅火車站建成　

仲放咗啲舊火車係度，不過唔可以上去參觀

我哋就係踩呢啲單車，上次去韓國怕攰無踩路軌單車，今次一定要踏

仲未夠鐘，係接待處見到呢隻狗，佢好nice，好得意

上車前先要聽一輪講解，我同阿姐、男友仔坐一部四人車，男友仔坐後面，其實多數都係男友仔踩，所以我多數都係“係咁依”踩吓，哈哈

沿途仲需要過馬路，啲工作人員會先去放低個欄，我哋至可以過馬路

 

路經旁邊有一條河流

 

 去到盡頭，我哋需要返轉頭再踩返去車站，原來係咁樣，將啲單車調頭

 

玩完都開始天黑了，我哋趕去食日本餐

食飽之後，我哋就去酒店check in，第二朝起身係酒店食完早餐，就出發去Lake George

有遊覽船可以遊湖

有人玩水上降落傘

頭尾都各有一個沙灘

行咗一圈，我哋去搵嘢食兼行禮品店，啲後生都係鍾意食吓零食，食吓雪糕呀，冰呀咁

最後我哋買咗個Pizza頂肚

行咗一輪，行返去沙灘，男友仔又攞架航拍機出嚟玩

等男友仔玩完，我哋又出發去另一個景點，又係某一條橋

橋頭呢邊，以前係軍事遺址

見就快天黑，我哋就急住上路，因為呢度附近都幾偏僻，公路完全都無街燈，駕車要好小心

出番去時間已經唔早，除咗西餐，其他餐多數已經關門，所以我哋去咗食The Cheesecake Factory

好好情調咁喎

啲麵包可以refill

呢個係我點嘅泰式飯，妖，啲飯都唔熱嘅，我覺得一啲都唔好食，我都只係食咗少少

間嘢最出名就係Cheese Cake，阿姐同表妹每人order 一件返酒店先至食

第二朝又係酒店食完早餐，就出發返歸，因為姑仔要車表妹返大學宿舍，阿姐同男友仔就會先去outlet行陣先至返屋企，而仔仔爸就去Queen某一點接番我返屋企