週圍影、搵嘢食

七月份開始，我公司搬咗去呢一個區，嗰區屬於貨倉區，週圍都係大型倉庫

每朝仔仔爸都會載我返工，其實佢依家返工都係喺嗰頭附近，佢發現我公司附近有啲大型塗鴉，尋日佢只返半日，o黎接我放工前，帶埋相機走去影相

之後佢就o黎接我收工，平時佢揸車聽中文電台，會介紹一啲紐約美食，比佢聽到一個話食Spaghetti Cones o既地方，都係位於近唐人街附近，所以一餵完貓就行去搵食

呢間餐廳開係啲唔多人行o既橫街，屬於小店

我哋無堂食，只叫外賣，點解? 因為呢度啲Spaghetti，只有外賣至會放係個cone 度，就係貪得意，所以就買外賣，攞住兩個cones，就行過附近個公園仔度食

上面嗰款係Salmon Sauteed in Creamy Vodka Sauce，熱辣辣好味，下面嗰款係Kale Pesto with Walnuts, Parmigiano, in Light Cream Sauce，呢個唔夠熱，好大陣菜苦味，我唔鍾意，另外叫咗個蟹肉薯蓉球，不過食唔出有蟹肉呢

係公園好想同人哋隻狗玩

之後由大馬路方向行返唐人街，平時呢度只會楂車經過，真係無用腳行過o黎，沿途原來有好多街頭塗鴉，仔仔爸即刻攝影師上身，拔出單反相機，甚至換上長鏡頭，搖身一變成為一名街頭攝影師

沿途仲發現好多小店食肆

紐約o既舊式樓宇係無後樓梯，只有大門一個出口，所以窗外會有走火梯，發現呢楝大廈o既走火梯圍柵好靚、好有特式

後來轉入小意大利

其實小意大利就係正唐人街，佔咗三條大街，大多數都係意大利餐廳，當時覺得好多遊人，好旺好熱鬧

見到有間専賣聖誕飾物店，仲有好多精品，都好多嘢睇

 見啲餐廳仲有Live show 呢

週街都見有意大利雪糕賣

呢位攝影師一影相，就影唔停，比佢影到天黑了

其實住咗係唐人街十幾年，真係未試過呢個時間o黎小意大利度行，原來weekend 咁多人、咁多嘢睇

之後一過對面馬路就係唐人街，但當踏入唐人街，就同小意利無得比，好鬼靜，簡直係天淵之別