貓同步+其他貓事雜事

好難得影到貓地齊齊做埋同一個姿勢同動作

雖然係相反方向，但姿勢都差唔多

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

近排天氣好熱，見到啲松鼠都熱到扒係度唔願郁

上個星期六，仔仔爸唔知去邊度，見到有人係度塗鴉

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

星期一晚，仔仔爸煮緊晚飯時，阿Pat 打電話o黎求救，話佢個friend Stacy （其實我哋都識，係我姑仔個同事，一齊食過飯），Daisy 佢都係住係唐人街，佢話見到隻黑白貓係街，好似好傍惶咁，Stacy 一路咁跟住佢，佢又會親人，所以佢call 阿Pat 話想捉佢，等阿Pat 帶佢返Shelter，幫佢搵家，問我哋如果捉到佢可唔可放係我屋企住一晚，仔仔爸話無問題

肯食罐頭，唔怕人

但點都捉唔到佢入貓袋

所以當我哋食緊飯之際，阿Pat call 我哋幫手捉，我哋一食完飯，碗都唔洗就去搵佢哋，但我哋去到時，只見阿Pat 係度等我哋，唔見Daisy，阿Pat 話之前有架警車經過，阿Pat 叫個警察幫手捉貓，但隻貓比個警察嚇親，即刻跑走，Daisy去追，最後都追唔到，隻貓就不知所跡

當時已經天黑晒，我哋都行咗幾條街，想睇吓再見唔見到隻貓，最後都係搵唔到，我哋估計佢係唐人街舖頭貓，出o黎玩，行遠咗，都唔知隻貓識唔識得返屋企，希望隻貓安然無事，識返屋企啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

原來我公司外面有流浪貓，之前見過一隻黑貓行過，早幾日前返工，見到兩隻黑貓係人哋車底

 尋日收工見到隻黑貓係車底食嘢，見車附近有一大兜水，應該係隔離間公司有人餵佢哋

仲有隻灰白貓o忝

今日仔仔爸去買餸，捉鬼埋我去，原來佢帶我去睇貓，係某間雜貨舖o既貓

隻貓好靚，但摸咗幾吓就唔比摸，仲咬人呢