2017年5月29日 星期一

嗲嗲奇哥仔

記得奇哥仔初o黎我家時,都算嗲人,會黐吓我,會坐我大髀




之後慢慢開始就無咁嗲人,但近排佢又嗲咗喎,試過幾次,我放工返屋企一入門口,奇哥仔就係咁黐住我、嗲住我

由係咁哄住我對腳,到我坐係梳化除鞋,佢就係咁“螺”住




 仲猛咁舔我隻手


 之後仲唔願走


 
我係房上網時,佢都會o黎搵吓我,係我椅後陪住我






陪我睇電視


某日奇哥仔又走上床係我椅後嗲我,我諗住坐上床黐吓佢,點知我一離開張凳,佢就即刻霸咗我個位

之前阿姐入咗大學之後,阿姐唔係屋企,我會搬去阿姐房張床度瞓

初時奇哥仔比較鍾意去同仔仔爸瞓 


近排奇哥鍾意咗同我瞓,我都未瞓,佢已經先去瞓住等我





佢仲會係瞓一整晚,就算佢出過去,都會再返o黎陪我瞓,希望佢一直keep 住就好了

今日係Memorial Day 公眾假期,連埋六、日就係Long weekend

大姑奶同二姑奶個女,一向都好friend,倆表姐妹大家都有小朋友,就更加多嘢傾,但二姑奶個女住係波士頓,平時都係靠電話聯繫感情,難得長週末,尋日佢就車埋小朋友過o黎聚吓

先約埋一齊係唐人街飲茶,之後二表姐話要食Taiyaki I-Scream


之後陪佢哋帶啲小朋友去 Battery Park 玩,沿途先經過新世貿中心




過埋見到啲 Building後面就係海濱


除咗陪啲小朋友玩,仔仔爸仲化身做攝影師,沿途不停咁影










呢輯相真係好唔掂囉,之後就行返屋企攞車,因為約咗姑仔、叔仔、大伯去食印度餐,阿姐因為約咗人係屋企BBQ,所以佢就無返o黎紐約,見吓啲表姐




呢間啲嘢都幾好食o架

2017年5月24日 星期三

Chewy百厭又怕悶

Chewy已經適應呢個屋企,開始會上我房個窗台度睇雀仔




佢係由床上經過個架再踏上窗台




佢依家好百厭,成日將我架上啲細細枝啲嘢撥晒落地下,除咗架上啲嘢,仲有其他地方啲細件物件佢都會撥晒落地玩



我係度抺地、掃地,佢都可以玩一餐



佢都好爛玩吓,成日要人同佢玩





叼咗枝毛毛棒走



同佢玩Da Bird,唔想再同佢玩,佢又要繼續玩


佢仲係有啲驚公公,所以佢依家最黐係我,佢好怕悶,佢一悶就會叫,成日聽到佢係走廊叫


就算怕公公,公公係廳,都會出廳搵我



如果我係房,佢更加會成日o黎搵我,要我同佢玩




見到咁想唔同佢玩都唔得啦




要玩一大輪,不停玩,終於玩到攰,肯去瞓覺了






2017年5月21日 星期日

再o黎貓寫真

其實貓地表哥唔係第一次同貓地影相,三月尾去完拜山時,又上o黎探貓貓

週屋去搵貓影













等食中的貓













































呢次佢影咗好多相相,不過就無近期嗰輯影得咁好,證明表哥啲攝影技術叻咗呢