唔比我玩

話說某日，天師仔係度玩條白蘿蔔

睇天師仔幾串，係都唔比Charco仔玩，但其實佢又成日想逗Charco仔同佢玩，但可能之前天師仔成日都蝦佢，所以Charco仔始於都係有啲驚佢

嘩，有靚女呀

近排天師仔好鍾意係張電腦枱度hea

我上緊網，佢都鍾意上o黎陪我

尋晚，我睇緊金花婆婆個新卜，天師聽到有貓叫聲，都扭個頭o黎聽吓，後來仲彈起身去睇，咁我咪開比佢睇囉，點知佢反應都幾大

天師仔︰嘩，有靚女喎，仲位位都咁索，吓，物無得睇喇

天師仔︰好似好好玩咁喎，我又玩、我又要玩

我一直以為天師又好似Charco仔咁，唔會睇電視，因為每次佢陪我坐梳化，都唔覺佢會睇電視，每次佢陪我上網，佢又唔理我做物嘢

但今次見到佢呢個反應，真係幾得意，連仔仔爸都話天師仔係比較貪玩得意

練瑜珈都唔專心

我家Charco仔又o黎玩縮骨瑜珈功，呢次呢個盒比上次嗰個仲細

其實天師都想玩，但個盒太細，佢都入唔到去，所以佢好黯然咁行開咗

您哋睇，個pat pat凸晒出o黎

個盒有個窿，有嘢昅，梗係唔專心練瑜珈啦

估唔到o既係，又比佢昅到啲嘢喎

祝大家甜甜蜜蜜渡聖誕，
歡歡喜喜慶新年

 

天師的生活

由我抱咗天師仔入家門開始，隻衰豬都無再坐過我個大髀，初初坐係梳化，拍吓張梳化，佢都會跳上o黎，瞓係度，比我攬住，陪我睇電視，但呢排佢都唔睬我，不過尋晚，同佢玩玩吓，佢又自己跳上o黎瞓係我旁邊比我摸住

仔仔爸話︰妳之前講到天師鍾意坐大髀，又咁，又咁，咁點解妳所講o既優點依家無晒o既
我就話︰咁除咗唔坐大髀之外，佢都無物其他唔好，又肯比人癡，點都好過個衰仔Charco

（我要講明呢張爛鬼梳化，唔係佢哋倆隻嘢做o既，Charco仔自細都無去抓過張梳化，當天師想抓梳化、櫈時，我哋say no，講咗幾次，佢就無再去抓，佢去抓可以抓啲嘢，見我哋唔出聲，佢就知道係可以用o黎抓抓，佢真係好叻仔）

雖然佢有時唔會主動癡人，但佢一啲都唔抗拒比人癡住佢

其實天師係一隻好鍾意人摸o既貓，鍾意摸頭、摸下巴

佢肚肚啲毛好軟熟o架，仲點武都得

其實我好鍾意比貓貓對腳踢踢踢，好得意o架，佢仲會咬吓我，但係佢只會輕輕力咬，唔似得Charco仔咁搏命咬，見唔見到我隻手啲傷痕，全部都係個衰仔啲傑作

早排夜晚佢鍾意瞓我奶奶張床，最抵死佢連我奶奶返咗o黎，佢半夜都走上我奶奶張床度瞓，最後比奶奶發現就梗係比我奶奶趕走喇，呢張相係半夜三更阿姐起身影到o既

近期佢鍾意跳上床褥頂上面瞓

瞓到半夜，我去“疴o殊o殊”佢都會陪住我，要我摸佢，呢幾晚，佢陪我去完厠所，仲跳埋上床陪我瞓添

所以好多時我行入厠所佢都會跟埋入o黎，朝早仔仔爸起身佢都會跟住仔仔爸入厠所要摸摸

除咗要仔仔爸摸摸之外，其實佢想人同佢玩…

佢鍾意瞓我張床，由其阿姐係度，好似陪緊阿姐咁

除咗陪阿姐，佢都會陪我上網，雖然佢阻鬼住晒，但係我鍾意

前日紐約得華氐19度，尋晚得攝氐-2度，即係華氐27度，依家出面仲落緊雪，好似話會有6-8吋雪，好彩帶咗天師仔返屋企，唔係都唔知佢捱唔捱得住，見到佢依家瞓得咁安樂，我真係好開心，佢以後唔駛再捱冷，我又唔駛擔心佢

願天下o既街貓，可以好似天師咁，得到有愛心人帶番屋企愛錫，未有家的希望佢哋搵到保暖o既地方，捱過每一個寒冷o既冬天