貓床有貓“吼”

之前咪話買咗兩張貓床，點知紅色嗰個無貓去瞓，我一直無放棄，一直放係度，終於張貓床都有貓去瞓了

我諗係天師仔先愛瞓

應該係Charco仔見天師仔瞓得咁爽，唔抵得又去瞓囉

天師仔想去爭

Charco仔瞓咗落去仲有好多位剩

而天師仔就填到滿，剛剛打到一個貓餅

反而灰藍色嗰張貓床，少貓去瞓咗

佢哋肯用，唔駛嘥錢，唔駛成為阻掟o既貓傢俬，我就開心了

床褥貓

天師仔由入我家門開始，就好鍾意瞓係放係走廊嗰張床褥頂度

我哋會乘機走埋去抽佢水的

只係間唔中至會見到Charco仔上去hea

兩隻一齊就更加少見

後來天師仔走埋上去

天師仔連放係我奶奶間房嗰張單人床褥都唔放過

某日，仔仔爸執吓張床，移咗張床褥出o黎，兩隻仔又o黎搞住晒，o黎過床褥佔領行動

Charco仔六歲喇

其實唔知Charco仔正確o既出生日期，我哋都係推斷佢係四月出世，所以每年四月就係Charco仔o既生日月

見亞姐唔係屋企，我都無諗住同Charco仔做生日，點知上個星期，阿姐見星期四嗰兩堂取消咗，星期五嗰科因為之前已經考咗試，上唔上堂都無所謂，佢見連星期六、日，有四日假期，佢又掛住貓地，又掛住啲住家飯，所以星期三一放學就自己搭車返o黎

咁見阿姐返咗o黎，咁咪同Charco仔搞生日囉

見之前食咗蟹，Charco仔又鍾意食新鮮蝦，而且我哋都好耐無賣o黎食過，所以一於買新鮮蝦返o黎，氹吓Charco仔開心

蒸熟咗o既蝦蝦，呢度一磅多啲

佢見到啲蝦好緊張呢

其實搣定呢啲，一陣至俾佢食，要困佢入房先，如果唔係，我哋就無啖好食

我哋仲買咗件荔枝慕絲西餅，當做生日蛋糕

要帶埋生日帽，吹爉燭呢

終於都有得食喇

食完蝦蝦到食西餅喇，不過佢無份食

只可以睇住阿姐食，好香荔枝味呢

Charco仔，好彩阿姐返o黎咋，唔係你都無好好味o既蝦蝦食呀