陪產第一天

尋日執晒包袱，仲有一大堆物資攞去阿姐度，開始陪產、陪月嘅日子，我同仔仔爸食埋lunch 至去阿姐屋企，一入屋就見到肥肥Macy

Rocky 一見人就好high

2S 係basement，阿姐要我用零食嚟收賣佢哋博好感

Mittens 匿係堆雜物之間，Macy 繼續瞓佢嘅覺

仔仔爸帶咗狗地出yard 玩咗一轉就趕返屋企餵貓，我帶份報紙落basement 睇，陪吓2S 等佢哋無咁驚我

阿姐幫我set 好床，阿姐仲送咗聖誕禮物畀我，仔仔爸就無份，哈哈 

未來女婿去咗佢阿媽度，我剩係煮飯同阿姐食，Sundae 嚟睇咗有無人可憐佢畀嘢佢食，我畀咗啲煲湯肉佢食

之後阿姐叫我開罐罐畀佢哋，賄賂佢哋，貓地一聽到開罐頭聲，即刻走晒入嚟，最為食最心急就係Sundae

因為阿姐唔係日日開罐頭，所以個個都食清光

之後我就返房煲劇，阿姐就揀吓Puzzle 陪我，貓地又八八卦卦

Macy 跳上床要摸摸，仲陪我呢

我叫到Sundae 上嚟，不過摸咗佢一下就走咗

2R 就等佢老豆返嚟至有得開餐

第一晚好唔慣，成晚都瞓唔著，不過Macy 後來有上我張床瞓係床尾陪我

其實我係咪因為緊張至瞓唔到呢﹖應該都係架喇

 

好緊張

阿姐嘅預產期係元旦前，2S 守護妹妹嘅任務就嚟完成

2R 就鍾意守護妹妹，而2M 就鍾意守護啲BB 用品，哈哈，係網上成日見到啲貓咪陪BB 嘅畫面，我都好期待見到呢啲畫面出現

 

上個月Thanksgiving，阿姐接咗個Pet Sitter job，又係熟客仔Sadie，阿姐話Sadie 已經認得佢，連佢去厠所佢都要跟住佢，呢個Pet Sitter job 應該係阿姐最後一個Pet Sitter job，生咗B 阿姐都無時間再做了

我呢個唔識煮嘢食嘅媽咪真係好無用，又唔識煲薑醋，唯有仔仔爸呢個新手公公出手，早幾個月前佢就開始試整

第一次煲到好乾

到正式開始煲，仔仔爸負責煲，我就負責批薑皮，再風乾啲薑皮，留畀阿姐生完沖涼用

每個星期要攞出嚟番煲吓

阿姐呢個月已經開始放假，係屋企準備啲嘢，佢嗰盒四萬幾塊仲未砌好嘅Puzzle 都要收起，阿姐有咗小朋友，我諗呢盒Puzzle 都唔知要封印幾多年至可以再攞番出嚟砌

而且聽日我就會去陪阿姐生B 兼坐月

所以我依家其實都好緊張呢，唔知啲貓地狗地見到婆婆係度瞓會點呢

今日係平安夜，祝大家聖誕快樂